အကြမ်းဖက်စစ်​ကောင်စီက ဖွင့်လှစ်မယ့် တက္ကသိုလ်တွေမှာ လုံး၀တက်​ရောက် ပညာမသင်ကြားဖို့ ​ ပုသိမ်တက္ကသိုလ်ဘာသာရပ်ပေါင်းစုံ ကျောင်းသားများသပိတ်က  မေလ ၃ရက်​မှာ  ထပ်မံ ထုတ်ပြန်​ကြေညာလိုက်ပါတယ်။

​နွေဦး​တော်လှန်​ရေးမှာ ကျဆုံးသွားတဲ့ အာဇာနည်သူရဲ​ကောင်းတွေ၊ ​CDM မှာ ပါဝင်တဲ့ ဆရာ ဆရာမတွေနဲ့ ဝန်ထမ်းတွေကို စာနာ​ထောက်ထားမှုမရှိ စစ်သူပုန်တို့ ကျွန်ပညာ​ရေး ​အောက်မှာ ပညာသင်ကြားလို​တဲ့ မည့်သည်​ကျောင်းသား ​ကျောင်းသူကို မဆို ပုသိမ်တက္ကသိုလ်  ဘာသာရပ် ပေါင်းစုံ ကျောင်းသားသပိတ်က ​အောက်တန်းကျ​တဲ့ သစ္စာ​ဖောက်​လောက်​ကောင်တွေ အဖြစ် သတ်မှတ်မယ်လို့ ​ကြေညာချက်မှာ ထည့်သွင်း​ဖော်ပြထားပါတယ်။

ပုသိမ်တက္ကသိုလ် ဘာသာရပ်​ပေါင်းစုံသပိတ် ​ကျောင်းသား​ကျောင်းသူတွေဟာ CDM ပြုလုပ်တဲ့ ဆရာ ဆရာမတွေနဲ့ အတူ ရပ်တည်မယ်လို့ ထုတ်ပြန်​ကြေညာထားပါတယ်။

ဧပြီလ ၁၈ ရက်​နေ့ကလည်း စစ်ကျွန်ပညာသင်ကြားမှုမလုပ်​ဆောင်ဖို့ ​ကျောင်းသားတွေကို အသိ​ပေးစာကို ထုတ်ပြန်ခဲ့ပါတယ်။

အကြမ်းဖက်စစ်​ကောင်စီက မြန်မာနိုင်ငံတဝန်း တက္ကသိုလ်တွေကို မေလ ဆန်းမှာ ပြန်ဖွင့်လှစ်ဖို့ စီစဉ်နေတာဖြစ်ပြီး  အာဏာသိမ်း​ကောင်စီ လက်​အောက်ရှိ ပုသိမ်တက္ကသိုလ် ​ကျောင်းအုပ်ချုပ်​ရေးအဖွဲ့ကလည်း ကျောင်းတက်​ရောက်မယ့် ​ကျောင်းသား​ကျောင်းသူတွေကို ​ကျောင်းအတွင်း အ​ဆောင်ထားရှိဖို့ စီစဉ်နေပါတယ်။