အောင်မြေသာစံမြို့နယ်ရှိ မီးဘေးသင့်သူများတွက် အစားအစာနှင့် ငွေကြေးလှူဒါန်း
DVB
·
April 14, 2021
မန္တလေးမြို့ အောင်မြေသာစံမြို့နယ်ရှိ မီးဘေးသင့်မွတ်စလင်မိသားစုတွေကို သံဃာ့သမဂ္ဂ ဆရာတော်တွေနဲ့ စိန့်ဂျိုးဇက်ကက်သလစ်သီလရှင်တွေက ဧပြီ ၁၄ ရက်မှာ အတူတကွ သွားရောက်ကာ အစားအသောက်နဲ့ ငွေကြေးတွေ ပေးအပ် လှူဒါန်းခဲ့ကြပါတယ်။
အောင်မြေသာစံမြို့နယ် ရွှေမန်းတောင် ဂေါက်ကွင်း အနောက်ဘက် ၃ လမ်း ၇၃ လမ်း နဲ့ ၇၆ လမ်းကြား မြောက်နွားခြံကုန်းမှာ မီးလောင်မှုကြောင့် နေအိမ် ၂၁ လုံး မီးလောင်ဆုံးရှုံးခဲ့ပြီး အိမ်ထောင်စု ၃၆ စု ၊ လူဦးရေ ၁၆၆ ဦး အိုးမဲ့အိမ်မဲ့ ဖြစ်ခဲ့ကာ ရပ်ကွက်ဓမ္မာရုံမှာ ကယ်ဆယ်စခန်းဖွင့်ထားပါတယ်။
မီးလောင်ရတဲ့ အကြောင်းအရင်းကိုတော့ မသိရသေးပေမယ့် ရပ်ကွက်နေပြည်သူတွေ ကတော့ ပေါ့ဆမီးကြောင့်မဖြစ်နိုင်ပဲ ရှို့မီးဖြစ်တယ်လို့ ယူဆကြပါတယ်။
