မန္တလေးမှာ အသက် ၂၄ နှစ်အရွယ် အမျိုးသား ၁ ဦးရဲ့ လက်ပေါ်ရှိ ဒေါ်အောင်ဆန်းစုကြည်ပုံနဲ့ နွေဦးတော်လှန်ရေး စာသားပါ တက်တူးကို အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်အဖွဲ့က မီးအပူနဲ့ ကပ်ပြီး ပျက်အောင်လုပ်ခဲ့ကြပါတယ်။

ဧပြီလ ၃ ရက် ညပိုင်း ၈ နာရီပတ်ဝန်းကျင်အချိန်လောက်က အဆိုပါ လူငယ်နဲ့ အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်အဖွဲ့ တွေလမ်းမှာ ဆုံခဲ့ပြီး ဖုန်း ပါလား လို့ ကနဦး မေးကာ ခန္ဓာကိုယ်ကို အင်္ကျီချွတ် စစ်ဆေးခဲ့ပါတယ်။

အဲ့ဒီနောက် ဒေါ်အောင်ဆန်းစုကြည်ပုံနဲ့ နွေဦးတော်လှန်ရေး စာသားပါ တက်တူးကိုတွေ့ပြီး မီးအပူနဲ့ ကပ်ကာ ပျက်အောင်လုပ်ခဲ့တာလို့ ကာယကံရှင်ကိုယ်တိုင်က ပြောပါတယ်။

မန္တလေးမှာ အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်အဖွဲ့ တွေဟာ လမ်းဆုံလမ်းခွတွေမှာ အများပြည်သူရဲ့ ဖုန်းတွေ စစ်ဆေးတာ၊ ဆိုင်ကယ် Toolbox တွေ စစ်တာနဲ့ တက်တူးတွေ ရှိ မရှိ စစ်ဆေးတာတွေ လုပ်နေကြပါတယ်။