ဧရာဝတီတိုင်း ပုသိမ်မြို့က နွေဦးတော်လှန်ရေးကာလအတွင်း ကျဆုံးခဲ့တဲ့ သူတွေအတွက် ၁ ဦးကို ကျပ် ၅ သိန်းစီ CRPH က ထောက်ပံ့ပေးခဲ့တယ်လို့ သိရပါတယ်။

စစ်အာဏာရှင်တော်လှန်ရင်း အကြမ်းဖက်စစ်အုပ်စုလက်ချက်ကြောင့် ကျဆုံးခဲ့သူ ၈ ဦးကို CRPH Pathein မှာ ဧပြီ ၃ ရက်က သွားရောက်ထောက်ပံ့ပေးခဲ့တာပါ။

ပုသိမ်မြို့က သေဆုံးခဲ့သူ ၈ ဦးဟာ အသက် ၃၇ နှစ်ကနေ ၁၅ နှစ်ကြားဖြစ်ပြီး အသက် မပြည့်သေးသူ ၄ ဦးပါဝင်တယ်လို့ ဒေသခံတွေကပြောပါတယ်။

ပုသိမ်မြို့မှာ စစ်တပ်အာဏာသိမ်းပြီးနောက်ပိုင်း ဖေဖော်ဝါရီ ၇ ရက်က စတင်ကာ စစ်အာဏာရှင်ဆန့်ကျင်ရေး ဆန္ဒပြတာတွေ ပြုလုပ်ခဲ့လို့ ဖမ်းဆီးခံရသူ ၁၅ ဦးကျော်ရှိနေပြီ သေဆုံးသူ ၈ ဦးထိ ရှိလာပြီဖြစ်တယ်လို့ ဆိုပါတယ်။

အကြမ်းဖက်စစ်အုပ်စုလက်ချက်ကြောင့် မသိလိုက်ဘဲ သေသွားတာတွေရှိနိုင်သလို အဖမ်းခံရ တာတွေလည်း ရှိနိုင်တယ်လို့ ဒေသခံ တွေကပြောဆိုပါတယ်။