ယုဇနဥယျာဉ်အိမ်ရာက ကားအစီးရေ ၂၀ ကျော်ကို အကြမ်းဖက်စစ်အုပ်စု ဖျက်ဆီး
DVB
·
March 28, 2021
ရန်ကုန်တိုင်း၊ ဒဂုံဆိပ်ကမ်းမြို့နယ်၊ ယုဇနဥယျာဥ်အိမ်ရာက ကားအစီးရေ ၂၀ ကျော်ကို မတ် ၂၇ ရက်နေ့ညမှာ အကြမ်းဖက်စစ်အုပ်စုက စိတ်ကြိုက်ရိုက်ခွဲဖျက်ဆီးသွားတယ်လို့ ရပ်ကွက်နေပြည်သူတွေက ပြောပါတယ်။
မနေ့က မနက်သပိတ်ကို အကြမ်းဖက်ဖြိုခွင်းပြီးကတည်းက ညနေ ၅ နာရီအထိ အိမ်ရာအတွင်း လှည့်ပတ်သောင်းကျန်းခဲ့ကြတာပါ။
တာယာကွင်းတွေ မီးရှို့ပြီး လမ်းတွေမှာကာထားတဲ့ အကာအရံတွေကို ဘူဒိုဇာနဲ့ ထိုးချဖျက်ဆီးသွားတယ်လို့ သိရပါတယ်။ လမ်းတွေထဲက အိမ်တွေကို သေနတ်တွေနဲ့ချိန်ပြီး ဆဲဆိုကြိမ်းမောင်းသွားတယ်လို့လည်း ပြောပါတယ်။
ကနဦးအနေနဲ့ သေဆုံးသူ ၂ ဦးရှိတယ်လို့ သိရပြီး ဖမ်းဆီးခံရသူက ၁၅ ယောက်ကျော်လောက်ရှိတယ်လို့ သိရပါတယ်။
တစ်နေ့ကုန် အသံဗုံးတွေ၊ သေနတ်တွေနဲ့ စစ်မြေပြင်အလား ပစ်ခတ်နေပြီး မနက် ၄ နာရီကျော်မှ ရပ်နားကြတယ်လို့ ရပ်ကွက်နေပြည်သူတွေက DVB ကို ပြောပါတယ်။
