လမ်းမတော်ထိုင်သပိတ် အကြမ်းဖက်ဖြိုခွင်းခံရပြီး ၄ ဦးအဖမ်းခံရ
DVB
·
March 12, 2021
လမ်းမတော်မြို့နယ် အထိုင်သပိတ်ကို မတ်လ ၁၂ ရက်နေ့ နေ့လယ် ၃ နာရီဝန်းကျင်လောက်မှာ စစ်တပ်နဲ့ရဲက အကြမ်းထက်လာရောက်ဖြိုခွင်းခဲ့ပြီး အမျိုးသမီး ၃ ဦးနဲ့ အမျိုးသား ၁ ဦး စုစုပေါင်း ၄ ဦးကို ဖမ်းဆီးသွားခဲ့ပါတယ်။
ဖမ်းဆီးသွားတဲ့သူတွေကိုတော့ လမ်းမတော်မြို့နယ် မြို့မရဲစခန်းကို ခေါ်ဆောင်သွားတယ်လို့ မျက်မြင်သက်သေတွေက ပြောပါတယ်။
လမ်းမတော်မြို့နယ်မှာ မတ်လ ၈ ရက်နေ့ ညပိုင်းက စစ်သားနဲ့လက်နက်တွေကို ဖမ်းဆီးခဲ့တဲ့ ပြည်သူ ၃၀ ကျော်ကို အာဏာသိမ်းစစ်တပ်က ပြန်လည်ဖမ်းဆီးထားတယ်လို့ မိသားစုဝင်တွေက ပြောပါတယ်။
