Homeမြန်မာသတင်း
မလွှကုန်းမီးရထားစက်ခေါင်းစက်ရုံဝင်းတွင် ရဲနှင့် စစ်တပ်က အင်အားအလုံးအရင်းဖြင့်တပ်စွဲထား
မလွှကုန်းမီးရထားစက်ခေါင်းစက်ရုံဝင်းတွင် ရဲနှင့် စစ်တပ်က အင်အားအလုံးအရင်းဖြင့်တပ်စွဲထား
DVB
·
March 10, 2021
ရန်ကုန်တိုင်း၊ မင်္ဂလာတောင်ညွှန့်မြို့နယ်က မလွှကုန်းမီးရထားစက်ခေါင်းစက်ရုံ ဝင်းထဲကို လက်နက်ကိုင် ရဲနဲ့စစ်တပ်က အင်အားအလုံးအရင်းနဲ့ ဒီကနေ့မနက် ၆ နာရီလောက်ကတည်းက ဝင်ရောက် စီးနင်းပိတ်ဆို့ထားပါတယ်။
မလွှကုန်းမီးရထားဝင်းမှာ နေထိုင်တဲ့ မိသားစုတွေဟာ ဘေးလွတ်ရာသို့ မိသားစုလိုက်ထွက်ပြေးတိမ်းရှောင်နေရပြီး မီးရထားဝင်းကို ဝင်ရောက်ဖြိုခွင်းမှာကို စိုးရိမ်နေကြတယ်လို့ မီးရထားဝန်ထမ်းတွေက ပြောပါတယ်။
ရဲနဲ့စစ်တပ်တွေက ဒီကနေညနေအထိတပ်စွဲထားဆဲဖြစ်သလို အချိန်သီတင်းတပတ်လောက် ကြာတပ်စွဲနိုင်တယ်လို့လည်း အတည်မပြုနိုင်သေးတဲ့သတင်းတွေထွက်ပေါ်နေပါတယ်။
မီးရထားဝန်ထမ်းတွေဟာ ဖေဖော်ဝါရီ ၈ ရက်ကစပြီး CDM မှာ ပါဝင်ခြင်းကြောင့် ခြိမ်းခြောက်ခံရတာအပြင် လိုက်လံ ဖမ်းဆီးခံရတာတွေလည်းရှိနေပါတယ်။
Photo - Kaung Sat ၊ Ko Ye / MPA
