မလွှကုန်း မီးရထားဝင်းထဲကို စစ်တပ်နှင့်ရဲက ဝင်ရောက်စီးနင်း
DVB
·
March 10, 2021
ရန်ကုန် မလွှကုန်း မီးရထားစက်ခေါင်းစက်ရုံဝင်းထဲကို ဒီကနေ့ မတ်လ ၁၀ ရက် မနက် ၆ နာရီခွဲလောက်ကစပြီး စစ်တပ်နဲ့ ရဲက အင်အားအလုံးအရင်းနဲ့ ဝင်ရောက်စီးနင်းပြီး CDM ဝန်ထမ်းတွေကို ဖမ်းဆီးနေပါတယ်။
ဖမ်းဆီးမှုတွေကြောင့် ဝန်ထမ်းမိသားစုတွေလည်း ထွက်ပြေးနေကြရပြီး လတ်တလော ဝန်ထမ်း အရေအတွက်ဘယ်လောက် ဖမ်းဆီးခံရတယ်ဆိုတာ မသိရသေးပါဘူး။
နိုင်ငံတဝန်းမှာ မီးရထားဝန်ထမ်းတွေက အာဏာသိမ်းစစ်အုပ်စုကို အာခံတဲ့ CDM လှုပ်ရှားမှုမှာ ရာနှုန်းပြည့်နီးပါး ပါဝင်နေတာကြောင့် တစ်နိုင်ငံလုံးပြေးဆွဲနေတဲ့ မီးရထားခရီးစဉ်တွေလည်း ရပ်ဆိုင်းနေတာဖြစ်ပါတယ်။
