နိုင်ငံ့ဝန်ထမ်းတွေကိုအတိုးမဲ့ ချေးငွေအနေနဲ့ အရပ်သားအစိုးရက ကြိုတင်ထုတ်ချေးထား ခဲ့တဲ့ ချေးငွေ ၂ လစာကို ပြန်ဆပ်ဖို့မလိုတဲ့ ချီးမြှင့်ငွေအဖြစ် သတ်မှတ်ကြောင်း ပြည်ထောင်စု လွှတ်တော်ကိုယ်စားပြုကော်မတီ(CRPH) က ထုတ်ပြန်ထားပါတယ်။

မတ် ၈ ရက် ရက်စွဲနဲ့ စီမံကိန်း၊ ဘဏ္ဍာရေးနဲ့ စက်မှုဝန်ကြီးဌာန ပြည်ထောင်စု ဝန်ကြီးရုံးက အမိန့်ကြေညာစာအမှတ် ၁/၂၀၂၁ နဲ့ ထုတ်ပြန်တဲ့ အဆိုပါထုတ်ပြန်ချက်ထဲ မှာတော့ လတ်တလော အချိန်ကာလမှာ ကိုဗစ်-၁၉ ကပ်ဘေးရောဂါ ဆက်လက်ဖြစ်ပွား နေတဲ့အပြင် အာဏာသိမ်းစစ်အုပ်စုက နိုင်ငံတော်အာဏာကို မတရားသဖြင့် အဓမ္မသိမ်း ပိုက်ရယူထားတဲ့ ကာလဖြစ်တဲ့အတွက် နိုင်ငံ့ဝန်ထမ်းတွေရဲ့ သက်သာချောင်ချိရေးကို ရှေးရှုပြီး အဆိုပါချေးငွေကို ပြန်လည်ပေးဆပ်ဖို့မလိုတဲ့ ချီးမြှင့်ငွေအဖြစ် သတ်မှတ်လိုက် ကြောင်း ဖော်ပြထားတာပါ။

နိုင်ငံ့ဝန်ထမ်း(အမြဲတမ်းဝန်ထမ်း)တွေအတွက် လစာရဲ့ ၂ လစာငွေကို အတိုးမဲ့ ကြိုတင်ထုတ်ချေးပေးတဲ့ အစီအစဉ်ကို ပြီးခဲ့တဲ့နှစ် အောက်တိုဘာ ၁ ရက်နေ့က ထုတ် ချေးပေးခဲ့တာ ဖြစ်ပါတယ်။ ပြန်ဆပ်ဖို့ ဆိုင်းငံ့ကာလကိုတော့ ၆ လ သတ်မှတ်ထားခဲ့တာ ဖြစ်ပြီး အဲဒီနောက်ပိုင်းမှာ လအလိုက် ရာခိုင်နှုန်းနဲ့ တွက်ချက်ပြီး တနှစ်ပြည့်တဲ့အထိ လ စာထဲကနေ ပြန် လည်ဖြတ်တောက်သွားဖို့ စီစဉ်ထားခဲ့တာ ဖြစ်ပါတယ်။

ဒီချေးငွေအစီအစဉ်မှာ တပ်မတော်သားတွေလည်း အပါအဝင်ဖြစ်ပြီး တပ်မတော် ဘက်က စာရင်းပေးပို့ထားပြီဖြစ်ကြောင်း တပ်မတော်သတင်းမှန်ပြန်ကြားရေးအဖွဲ့က ပြောထားခဲ့ပါတယ်။

မြန်မာနိုင်ငံမှာ ဝန်ကြီးဌာနပေါင်း ၂၅ ခု ရှိနေပြီး အဆိုပါဝန်ကြီးဌာနတွေမှာ အ လုပ်လုပ်ကိုင်နေကြတဲ့ အစိုးရဝန်ထမ်းဦးရေ ၁ သန်းကျော်လောက် ရှိနေတာ ဖြစ်ပါ တယ်။