ကချင်ပြည်နယ်၊ ချီဖွေမြို့နယ်မှာ အာဏာဖီဆန် CDM ၀င်နေတဲ့ ပညာရေး၊ ကျန်းမာရေး၊ စိုက်ပျိုးရေးအစရှိတဲ့ အစိုးရ၀န်ထမ်းတွေကို ဖေဖော်ဝါရီလ ၂၄ ရက်အမီ ရုံးပြန်တက်ဖို့ ဌာနတွင်း‌မှာ စာထုတ်ပြန်ထားတယ်လို့ သိရပါတယ်။

ချီဖွေမြို့နယ် စိုက်ပျိုးရေးဦးစီးဌာနမှ အလုပ်သင်‌ နေ့စား၀န်ထမ်း ၅ ယောက်က တော့ ပြည်သူ့အစိုးရတက်လာမှ အလုပ်ပြန်ဆင်းနိုင်မယ်လို့  သဘောထား ထုတ်ပြန်လိုက်ပါတယ်။

ဖေဖော်ဝါရီ ၈ ရက်နေ့ကတည်းက CDM ၀င်နေတာဟာ အကြောင်းမဲ့ ပျက်ကွက်တာ မဟုတ်ဘဲ အာဏာသိမ်းအစိုးရလက်အောက်မှာ တာ၀န်မထမ်းဆောင်လိုတဲ့အတွက် ဖြစ်တယ်လို့ ရေးသား‌ဖော်ပြထားပါတယ်။

ဒါ့အပြင် ယခုလိုလုပ်ဆောင်တာဟာ ပါတီ၊ နိုင်ငံရေးလုပ်တာမဟုတ်ဘဲ ပြည်သူ့၀န်ထမ်း တစ်ယောက်အနေနဲ့ ငြိမ်းချမ်းစွာ ဆန္ဒပြတာဖြစ်တယ်လို့လည်း မှတ်ချက်အနေနဲ့ ရေးသားထားပါတယ်။

ဇုန်းကျန်း CJ