ဧရာဝတီတိုင်း အင်္ဂပူမြို့နယ်က CDM လှုပ်ရှားမူမှာ ပါဝင်ခဲ့တဲ့ ရပ်ကျေးစာရေးတွေကို အလုပ်မဆင်းတဲ့အတွက် စစ်ဆေးအရေးယူမယ်ဆိုပြီး တာဝန်ရှိသူတွေက စာထုတ်ထားတယ်လို့ သိရပါတယ်။
ဧရာဝတီတိုင်းဒေသကြး၊ အင်္ဂပူမြို့နယ်တွင်းရှိ ဌာနဆိုင်ရာတွေက CDM လှုပ်ရှားမူကို ဖေဖော်ဝါရီ ၉ ရက်နေ့က စတင်ခဲ့ကြပြီး ကျန်းမာရေးဝန်ထမ်း၊ ပညာရေးဝန်ထမ်း၊ သစ်တောဝန်ထမ်းနဲ့ ထွေအုပ်ဝန်ထမ်းအချို့ ပါဝင်လှုပ်ရှားလာခဲ့ကြတာပါ။
CDM မှာ ပါဝင်တဲ့ ရပ်ကျေးစာရေးတစ်ဦးကတော့ "ကျနော်တို့ ပထမရပ်ကျေးအုပ်ချုပ်ရေးမှူးတွေ၊ အငယ်တန်းစာရေးတွေပါဝင်ကြတယ်။ ၁၀ ယောက်ကျော်က CDM မှာ ပူးပေါင်းပါဝင်ခဲ့ကြတယ်။ အချို့ကတော့ မြို့နယ်က ဖိအားပေးလို အလုပ်ပြန်ဆင်းကြတယ်။ ခုကျနော်တို့ စာရေး ၅ ယောက်ကို ဝန်ထမ်းဥပဒေ ဘာညာဆိုပြီး စာထုတ်တယ်။ စာရဲ့သဘောကတော့ အဖွဲ့ ဖွဲ့ပြီးစစ်မယ်။ အကြောင်းပြချက်ဖြေရှင်းပေါ့။ မရှင်းနိုင် အလုပ်ဖြုတ်မယ်ပေါ့ အဲသဘောထုတ်တယ်။ ဒါမတရားဘူလို့ထင်တယ်။ ကျနော်တို့ကတော့ အလျှော့မပေးဘူး။ သူတို့ကို သမိုင်းတွင်အောင် တနေ့ချပြမယ်” လို့ပြောပါတယ်။
အင်္ဂပူမြို့နယ်အတွင်း CDM မှာ ပါဝင်တဲ့ ဆရာဝန်တစ်ဦးကိုလည်း ဖမ်းဆီးထားသလို ကျေးလက်ဒေသဖွံ့ဖြိုးရေးက ဝန်ထမ်းတွေကိုလည်း မြို့နယ်အဆင့်တာဝန်ရှိသူတွေက ဖိအားပေးနေတယ်လို့ သိရပါတယ်။
