စစ်တပ်ရဲ့အာဏာသိမ်းပြီး ၁၄ ရက်မြောက်နေ့ ပုသိမ်မြို့မှာ တပ်မတော်ရဲ့လုပ်ရပ်ကို ထောက်ခံကြောင်း အင်အား ၃၀၀၀ ကျော် ဆန္ဒဖော်ထုတ်ခဲ့ကြပါတယ်။
တော်မတော်ထောက်ခံတဲ့ လူ ၃၀၀၀ ကျော်လောက်က တပ်မတော်ရဲ့ ဥပဒေအညီလုပ်ရပ်ကိုထောက်ခံကြောင်း၊ တရားဥပဒေစိုးမိုးမှုကို လိုက်နာကြဖို့ စတဲ့ ဆိုင်းဘုတ်တွေနဲ့ နိုင်ငံတော်အလံတွေကိုင်ဆောင်ပြီး မြို့ပေါ်လမ်းတွေမှာ အင်အားပြလှည့်လည်ခဲ့တာပါ။
တော်မတော်ထောက်ခံတဲ့လူတွေ လှည့်လည်တာကို ရဲတပ်ဖွဲ့က လာရောက်ညှိနှိုင်းပြီး သွားလို့မရတဲ့ တားမြစ်နေရာကို မသွားဖို့ လာရောက်ညှိနှိုင်းတာမျိုး ပြုလုပ်ခဲ့ပါတယ်။
တပ်မတော်ထောက်ခံတဲ့ အင်အားပြလှည့်လည်တဲ့လူတွေကို သွားလာတဲ့လမ်းတလျှောက် စစ်အာဏာရှင်ဆန့်ကျင်ရေးအဖွဲ့တွေက သံပုံးတီးမောင်းထုတ်ခဲ့သလို ၅ ထောင်စားတွေ အလိုမရှိစတဲ့ ကြွေးကြော်သံတွေနဲ့ မောင်းထုတ်တာတွေ ပြုလုပ်ခဲ့ပါတယ်။
တပ်မတော်ထောက်ခံတဲ့ အင်းအာပြလှည့်လည်တဲ့ လူတွေ ပြန်ဖို့အတွက် နှစ်ဘက်ထိပ်တိုက်တွေ့တာတွေ ဖြစ်မှာဆိုးလို့ ရဲတပ်ဖွဲ့က လုံခြုံရေးရယူပေးခဲ့ရပြီး မြို့ပြင်ကို ပြန်လည်ထွက်ခွာသွားခဲ့တယ် လို့ သိရပါတယ်။
မင်းထက်မုန်း
