ကိုဗစ်ကာလ အောင်မြေသာဇံမြို့နယ်ရှိ ဒိုဘီကန် အလုပ်သမားများအခက်ကြုံ (ဓာတ်ပုံ)
DVB
·
December 7, 2020
အောင်မြေသာဇံ မြို့နယ်ရှိ ဒိုဘီကန်ဟာ မန္တလေးမြို့အတွင်းရှိ တည်းခိုခန်း၊ ဟိုတယ်တွေနဲ့ နေအိမ်တွေက အဝတ်တွေကို လျှော်ဖွပ်သန့်စင်ပေးတဲ့ နေရာတစ်ခုဖြစ်ပါတယ်။
အဲဒီ ဒိုဘီကန် လျှော်ဖွပ်တဲ့ လုပ်ငန်းဟာ ၁၉၅၈ ခု ဘိုးဘွား လက်ထက်ကတည်းက စတင် လုပ်ကိုင်တဲ့ လုပ်ငန်းတခု ဖြစ်ပါတယ်။
ဒိုဘီလုပ်ငန်းဟာ ဟိုတယ်၊ တည်းခိုခန်းတွေက အထည်တွေကို အဓိက လျှော်ဖွပ်နေတဲ့ လုပ်ငန်း ဖြစ်ပြီး ကိုဗစ်-၁၉ ကာလ တည်ခိုခန်းတွေ ပိတ်ထားတဲ့အတွက် အဆင်မပြေမှုတွေ ကြုံတွေ့နေရတာလို့ ဒိုဘီလုပ်ငန်းကို ငယ်စဉ်ကတည်းက လုပ်ကိုင်နေသူ ဒေါ်တီတီအောင်က ပြောပါသည်။
အရင်က ပုံမှန် အယောက် ၄၀ လောက် လာရောက် လုပ်ကိုင်ပေမဲ့ အခုအချိန်မှာ လာရောက် လျှော်ဖွပ်သူ မရှိသလောက် နည်းပါးနေပါတယ်။
အခုလို နည်းပါးနေတဲ့အတွက် နှစ်စဉ်ပေးသွင်းနေကျ အခွန်ဆောင်ရာမှာ အခက်အခဲတွေ ရှိနေပြီး ကိုဗစ်-၁၉ ကာလ အခွန်ကင်းလွတ်ခွင့် ပေးပါဖို့ နိုင်ငံတော်ကို မေတ္တာရပ်ခံထားတယ်လို့ ဒိုဘီကန် တာဝန်ရှိသူ ဦးအောင်စိန်က ပြောပါတယ်။
Photo-Kaung Zaw Hein/MPA
