ဖျာပုံမြို့ နေရာအနှံ့တွင် Mask Box များ ချထား
DVB
·
December 7, 2020
ကိုဗစ် ၁၉ ရောဂါကွယ်နိုင်ရေးအတွက် အပြင်ထွက်ပါက Mask တပ်ဆင်စေဖို့ ရည်ရွယ်ပြီး သန့်စင်သောလက်များ (ဖျာပုံ) ပရဟိတအသင်းက ဖျာပုံမြို့ရဲ့ လူစည်ကားရာ နေရာတွေ၊ စျေး၊ လမ်းစုတွေမှာ ပြည်သူတွေ Mask အခမဲ့ယူနိုင်ဖို့ Mask Box တွေ လိုက်လံချထားပေးနေပါတယ်။
ဒီဇင်လ ၆ ရက်နေ့ကစတင်ပြီး ဖျာပုံမြို့ပေါ်မှာ Mask စင် ၃၀ နဲ့ ရပ်ကွက်ထဲမှာ Mask Box တွေ နေ့စဉ်ထားပေးသွားမယ်လို့ သန့်စင်သော လက်များ ပရဟိတအသင်း ဦးဥက္ကာကျော်က ပြောပါတယ်။
သန့်စင်သောလက်များ ပရဟိတအသင်းလေးကို ကိုဗစ်ကာလမှာ လူငယ်တွေနဲ့ စတင်ဖွဲ့စည်းပြီး ပြည်သူတွေအတွက် လိုအပ်တဲ့ ပရဟိတလုပ်ငန်းမှာ ပူးပေါင်းကူညီ ဆောင်ရွက်နေတယ်လို့ သိရပါတယ်။
သတင်း - ကျော်စိုးမိုး
