ခန္တီးမြို့တွင် ကိုဗစ်-၁၉ အတည်ပြုလူနာ ၁ ဦး ပထမဆုံးတွေ့ရှိ
DVB
·
December 6, 2020
စစ်ကိုင်းတိုင်း၊ ခန္တီးမြို့မှာ ဒီဇင်ဘာ ၆ ရက်နေ့က Test Kit နဲ့ ၅ ဦးကို စစ်ဆေးရာမှ ပထမဆုံး ကိုဗစ်-၁၉ အတည်ပြုလူနာ ၁ ဦး တွေ့ရှိခဲ့တယ်လို့ သိရပါတယ်။
ခန္တီးမြို့မှာ ပထမဦးဆုံးပိုးတွေ့ခဲ့တာဖြစ်ပြီး ခန္တီးမြို့နယ် နန်းစီပွန်ကို အလုပ်လုပ်ဖို့ လာသူတွေလို့ ခန္တီးဆေးရုံအုပ်ကြီး ဒေါ်နန်းမြက်မြက်မွှေးက ပြောပါတယ်။
“အခု ကိုဗစ်ပိုးတွေရှိခဲ့သူတွေက မန္တလေးတိုင်း စဉ့်ကိုင်မြို့ကနေ ခန္တီးနန်းစီပွန် ခိုင်နန်းရွှေကုမ္ပဏီက အလုပ်လုပ်ဖို့ ခေါ်ယူခဲ့တဲ့ လုပ်သားဖြစ်ပါတယ်။ သူတို့ ၅ ဦး စစ်ကိုင်းကို ခန္တီးကား နဲ့ လာခဲ့တာပါ။ ဒီဇင်ဘာလ ၅ ရက်နေ့ညက ခန္တီးကိုရောက်ခဲ့တယ်။ ရောက်တာနဲ့ ကွာရန်တင်း စင်တာမှာ ထားခဲ့ပါတယ်။ မနက်မှ RDT Test Kit နဲ့ စစ်ဆေးပြီး ၅ ဦးထဲက Positive ၁ ဦးတွေ့ရှိခဲ့တယ်” လို့ ပြောပါတယ်။
ကျန် ၄ ဦးကို ပြန်စစ်သွားမှာဖြစ်ပြီး ပို့တွေ့လူနာကိုတော့ နတလကျောင်း ကွာရန်တင်း စင်တာကနေ ဆေးရုံခေါ်ဆောင်ကုသပေးဖို့ လုပ်နေတယ်လို့ ပြောပါတယ်။
အောင်ဆန်းမြင့်
