နွားထိုးကြီးမြို့နယ်၌ အန်အယ်လ်ဒီပါတီ ဝန်းရံထောက်ခံသူများ အင်အားပြ (ဓာတ်ပုံ)
DVB
·
October 9, 2020
မန္တလေးတိုင်းဒေသကြီး၊ မြင်းခြံခရိုင်၊ နွားထိုးကြီးမြို့နယ်မှာ ရွေးကောက်ပွဲ အောင်နိုင်ရေးအတွက် အန်အယ်လ်ဒီပါတီ ဝန်းရံထောက်ခံသူတွေက ဆိုင်ကယ်၊ ကားနဲ့ ထော်လာဂျီယာဉ်တွေနဲ့ အောက်တိုဘာ ၉ ရက်က မြို့နယ်အတွင်း အင်အားပြ လှည့်လည်ခဲ့ကြပါတယ်။
ဒီကနေ့ နွားထိုးကြီးမြို့မှာ ကျင်းပမယ့် အန်အယ်လ်ဒီ ပါတီအောင်နိုင်ရေး ယာဉ်တန်း လှည့်လည်ပွဲမှာ ပါဝင်အားဖြည့်ဖို့သွားတဲ့ လိုက်ထရပ်ကားတစ်စီးကတော့ မတော်တဆ တိမ်းမှောက်ခဲ့လို့ လူ ၉ ဦးဒဏ်ရာရ ရှိတယ်လို့ နွားထိုးကြီးဆေးရုံက သိရပါတယ်။
နွားထိုးကြီးမြို့နယ် ကန်နားအုပ်စု ထန်းတောကုန်ကျေးရွာမှ ယာဉ်မောင်းကို ဇော်လင်း (၃၄)နှစ်မောင်းနှင်လာတဲ့ လိုက်ထရပ်ကား အဖြူရောင်ဟာ မြင်းခြံ-မန္တလေးလမ်း ဖက်ခူးရွာ အနောက်ဘက်မှာ ရှေ့ဘီးပေါက်ရာက အရှိန်မထိန်းနိုင်ဘဲ တိမ်းမှောက်ခဲ့တာပါ။
ယာဉ်မှောက်မှုကြောင့် ၉ ဦးဒဏ်ရာရရှိပြီး ၄ ဦးမှာ မန္တလေးဆေးရုံလွှဲပြောင်းပို့ရပြီး ၅ ဦးမှာ နွားထိုးကြီးဆေးရုံတက်ရောက်ကုသနေတယ်လို့ နွားထိုးကြီးမြို့နယ်ဆေးရုံက သိရပါတယ်။
ယာဉ်မောင်းကိုတော့ မြို့မရဲစခန်းက အမှုဖွင့်အရေးယူထားပြီး အမှုစစ် ဒုရဲအုပ် မြနန်းစံထက်က စစ်ဆေးနေပါတယ်။
သတင်း- ဇာဇာမောင်(CJ)၊ ဓာတ်ပုံ- Myat Thu / MPA
