Homeမြန်မာသတင်း
ညောင်တုန်းတွင် ကမ်းပြိုကျမှုကြောင့် နေအိမ် ၁ လုံးရေထဲမျောပါ၊ အိမ် ၉ လုံး အရေးပေါ်ပြောင်းရွှေ့
ညောင်တုန်းတွင် ကမ်းပြိုကျမှုကြောင့် နေအိမ် ၁ လုံးရေထဲမျောပါ၊ အိမ် ၉ လုံး အရေးပေါ်ပြောင်းရွှေ့
DVB
·
September 18, 2020
ဧရာဝတီတိုင်း၊ မအူပင်ခရိုင်၊ ညောင်တုန်းမြို့၊ အမှက် ၄ ရပ်ကွက်တိုးချဲ့နယ်မြေမှာ စက်တင်ဘာ ၁၆ ညနေပိုင်းက ပန်းလှိုင်မြစ်ရေတိုက်စားမှုကြောင့် မြစ်ကမ်းပါးပြိုကျကာ နေအိမ် ၁ လုံးရေထဲမျောပါခဲ့ပြီး နေအိမ် ၉ လုံးကို အရေးပေါ် ဘေးလွတ်ရာ ရွှေ့ပြောင်းခဲ့ရပါတယ်။
ပန်းလှိုင်မြစ်ရေတိုက်စားတဲ့အတွက် မြစ်ကမ်းပါးပြိုကျတာဖြစ်ပြီး ထိခိုက်ဒဏ်ရာရရှိသူ မရှိဘူးလို့ ညောင်တုန်းလူမှုကယ်ဆယ်ရေးအဖွဲ့ တာဝန်ရှိသူတဦးက ပြောပါတယ်။
ပြိုကျနေအိမ်အပါအဝင် နေအိမ် ၁၀ လုံးက လူဦးရေ ၄၆ ဦးတို့ဟာ နီးစပ်ရာ ဆွေမျိုးအိမ်တွေမှာ တာဝန်ရှိသူတွေက ခေတ္တပြောင်းရွှေ့နေရာချထားပေးခဲ့တယ်လို့ ဆိုပါတယ်။
သတင်း- ထူးထူး
