အောင်ရဲလင်း၊ နေခြည်ဦးတို့ ပါဝင်သရုပ်ဆောင်ထားသည့် ထက်ယံသီချင်းသစ်-“ချစ်လိုက်”(ရုပ်သံ)
DVB
·
September 9, 2020
ပရိသတ် အချစ်တော် သရုပ်ဆောင်မင်းသားမင်းသမီး ၂ ယောက်ဖြစ်တဲ့ အောင်ရဲ လင်းနဲ့ နေခြည်ဦးတို့ ပါဝင်သရုပ်ဆောင်ထားကြတဲ့ အဆိုတော် ထက်ယံရဲ့ သီချင်းသစ် တပုဒ် ထွက်ရှိလာခဲ့ပါတယ်။
ဒီသီချင်းကတော့ ထက်ယံရဲ့ GRAVITY လို့ အမည်ပေးထားတဲ့ မီနီစီးရီးစ်အယ်လ် ဘမ်ထဲမှာ ပါဝင်မယ့် သီချင်း ၆ပုဒ်ထဲက တပုဒ်ဖြစ်ပါတယ်။
အဲဒီထဲက “ချစ်လိုက်” ၊ “မင်းထက်နိဗ္ဗာန်ကို မလိုချင်” ၊ “ကျေနပ်လား” စတဲ့ သီ ချင်း ၃ ပုဒ်ကိုတော့ ထူးထူးခြားခြား Music Series ပုံစံဖန်တီးထားပြီး V7 Entertainment ကနေ တင်ဆက်သွားမှာ ဖြစ်ပါတယ်။
ဇာတ်လမ်းစတိုရီပုံစံ ဖန်တီးမှုတွေနဲ့ ဒီသီချင်းရုပ်သံတွေထဲမှာတော့ အောင်ရဲလင်း၊ ထက်ယံ ၊ နေခြည်ဦး ၊ လီလီကျော်ခိုင်တို့က ပါဝင်ကြမှာဖြစ်ပြီး လူငယ်အမျိုးသမီး ရုပ်ရှင်ဒါရိုက်တာ ပွင့်သိင်္ဂီဇော်က ရိုက်ကူးပုံဖော်ပေးထားတာ ဖြစ်ပါတယ်။
တကိုယ်တော်သီဆိုထားတဲ့ သီချင်းတွေအနေနဲ့ရော တခြားအဆိုတော်တွေနဲ့ ပူး ပေါင်းသီဆိုတဲ့ သီချင်းတွေနဲ့ပါ လူငယ်ပရိသတ်တွေကြား အားပေးမှုအခိုင်အမာရရှိထား တဲ့ အဆိုတော် ထက်ယံကိုတော့ ပရိသတ်တွေက “ပိုချစ်ပြလိုက်” ၊ “ပပဝတီ” ၊ “အိန်ဂျယ် တွေလို” ၊ “မ… လျှော်တယ်” ၊ “၂၀ ကျော် ရည်းစားစာ” စတဲ့ သီချင်းတွေနဲ့ သိကြပြီး ဖြစ်မှာပါ။
ရှေ့မီနောက်မီ တေးအယ်လ်ဘမ်ထဲမှာ အဆိုတော် သားသား၊ ဝါရင့်အဆိုတော် နွဲ့ ယဉ်ဝင်းတို့နဲ့ သီဆိုထားတဲ့ “မောင့်အချစ်ဦး”သီချင်းကတော့ ပိုပြီးတော့ လူသိများလာ စေခဲ့တဲ့ သီချင်းတပုဒ် ဖြစ်ခဲ့ပါတယ်။
ခုအသစ်ထွက်ရှိလာတဲ့ “ချစ်လိုက်”သီချင်းထဲမှာလည်း နူးညံ့တဲ့ အချစ်အလွမ်း တေးသွားစာသားတွေနဲ့အတူ ထက်ယံရဲ့ သီဆိုသရုပ်ဆောင်မှုတွေနဲ့ ခံစားနားဆင်ကြရ မှာ ဖြစ်ပါတယ်။
