Homeမြန်မာသတင်း
ပြင်ဦးလွင်တွင် ငွေကျပ်သိန်းပေါင်း ၃ သောင်းခွဲကျော် တန်ဖိုးရှိ မူးယစ်ဆေးများ သိမ်းဆည်းရမိ
ပြင်ဦးလွင်တွင် ငွေကျပ်သိန်းပေါင်း ၃ သောင်းခွဲကျော် တန်ဖိုးရှိ မူးယစ်ဆေးများ သိမ်းဆည်းရမိ
DVB
·
July 18, 2020
မန္တလေးတိုင်း ပြင်ဦးလွင်မြို့နယ်မှာ ငွေကျပ်သိန်း ၃၅,၃၅၀ တန်ဖိုးရှိ မူးယစ်ဆေးဝါးတွေ သိမ်းဆည်းရမိတယ်လို့ ပြည်ထဲရေးက ထုတ်ပြန်ပါတယ်။
ဇူလိုင် ၁၆ ရက်နေ့ မနက် ၉ နာရီခွဲလောက်မှာ ပြင်စာနယ်မြေရဲစခန်းက တပ်ဖွဲ့ဝင်တွေဟာ ပြင်ဦးလွင်မြို့နယ်၊ ပြင်ဦးလွင်-မန္တလေးသွား အဆင်းကားလမ်း၊ မိုင်တိုင်အမှတ် ၂၁/၅ နဲ့ ၂၁/၆ ကြားမှာ ယာဉ်မတော်တဆမှုဖြစ်ပွားကြောင်း သတင်းအရ သွားရောက်စစ်ဆေးရာ SURF အမျိုးအစားမော်တော်ယာဉ်မှာ ယာဉ်မောင်းအားမတွေ့ရှိဘဲ ရပ်တန့်ထားတာတွေ့ရှိခဲ့တယ်လို့ ဆိုပါတယ်။
မော်တော်ယာဉ် အတွင်းမှ ဘိန်းဖြူ ၂၅ ဒသမ ၁၉ ကီလို၊ စိတ်ကြွရူးသွပ်ဆေးပြား ၅၀၈,၀၀၀ ပြားတို့ကို သိမ်းဆည်းရမိခဲ့ပြီး မူးယစ်ဆေးဝါးနဲ့ စိတ်ကို ပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားတယ်လို့ သိရပါတယ်။
