လူနာအမှတ် ၂၃၃ ကို ဒုတိယအကြိမ်စစ်ဆေးချက်အရ ရောဂါပိုးမတွေ့
DVB
·
June 14, 2020
ထိုင်းနိုင်ငံကနေ ညောင်လေးပင်မြို့နယ်ကို ပြန်လာတဲ့ အတည်ပြုလူနာအမှတ် ၂၃၃ ကို ဒုတိယအကြိမ် ဓာတ်ခွဲစစ်ဆေးချက်အရ ရောဂါပိုးမတွေ့ရှိကြောင်း ပဲခူးဆေးရုံအုပ်ကြီး ဒေါက်တာရန်နိုင်မောင်က ပြောပါတယ်။
အဲဒီအမျိုးသားက ပြီးခဲ့တဲ့ မေလ ၂၆ ရက်နေ့က ထိုင်းနိုင်ငံကပြန်လာတာဖြစ်ပြီး ဇွန်လ ၃ ရက်နေ့ ကိုဗစ်-၁၉ ရောဂါပိုးတွေ့ရှိခဲ့လို့ ပဲခူးမြို့ ကိုဗစ်လူနာတွေထားတဲ့ ကလိဆေးရုံကို ပို့ဆောင်ကုသနေထားတာပါ။
စတင်ပို့ဆောင်စဉ်ကတည်းက ဖျားတာနာတာ မရှိသလို နှားစီချောင်းဆိုးတာလည်း မရှိခဲ့ဖူးလို့ ဆိုပါတယ်။
ပဲခူးတိုင်းအတွင်းမှာ ကိုဗစ်-၁၉ အတည်ပြုလူနာ ၈ ဦး၊ သေဆုံးသူ ၁ ဦးနဲ့ ရောဂါသက်သာ ပျောက်ကင်းလာသူ ၆ ဦး ရှိတယ်လို့ ကျန်းမာရေးဝန်ကြီးဌာန ထုတ်ပြန်ချက်အရ သိရပါတယ်။
