မဘိမ်းမြို့နယ်တွင် ငွေကျပ်သိန်း ၁၄,၀၀၀ ကျော် တန်ဖိုးရှိ စိတ်ကြွရူးဆေးများ ဖမ်းမိ
DVB
·
June 14, 2020
ရှမ်းပြည်နယ် မဘိမ်းမြို့နယ်မှာ ငွေကျပ်သိန်း ၁၄,၀၀၀ ကျော် တန်ဖိုးရှိ စိတ်ကြွရူးသွပ်ဆေးပြားတွေ ဖမ်းဆီးရမိတယ်လို့ ပြည်ထဲရေးက ထုတ်ပြန်ပါတယ်။
ဇွန်လ ၁၂ ရက်နေ့ ညနေ ၄ နာရီခွဲ လုံခြုံရေးတပ်ဖွဲ့ဝင်တွေပါဝင်တဲ့ ပူးပေါင်းအဖွဲ့ဟာ မဘိမ်းမြို့နယ်၊ ခတ်ခုံကျေးရွာအုပ်စု၊ ခတ်ခုံကျေးရွာ-မိုမင်တန်သစ်ထုတ်လုပ်ရေးသွားလမ်း၊ သစ်ဖွဲ့ပင်ပြန့်ဆင်စခန်းရှိ အောင်ကျော်ကျော်ရဲ့ နေအိမ်တဲကို ရှာဖွေရာ ထွန်းကြိုင်အား အတူတွေ့ရှိရတယ်လို့ ဆိုပါတယ်။
နေအိမ်တဲထဲကနေ ကျပ်သိန်း ၁၄,၂၂၀ တန်ဖိုးရှိ စိတ်ကြွရူးသွပ်ဆေးပြား ၇၁၁,၀ဝ၀ ပြား သိမ်းဆည်းရမိခဲ့ပြီး အောင်ကျော်ကျော်နဲ့ ထွန်းကြိုင် တို့ကို မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားတယ်လို့ သိရပါတယ်။
