ထီးချိုင့်မြို့နယ်တွင် ကျပ်သိန်း ၁,၈၀၀ တန်ဖိုးရှိ စိတ်ကြွဆေးပြားများ ဖမ်းမိ
DVB
·
May 22, 2020
စစ်ကိုင်းတိုင်း၊ ကသာခရိုင်၊ ထီးချိုင့်မြို့နယ်မှာ ငွေကျပ်သိန်း ၁,၈၀၀ တန်ဖိုးရှိ စိတ်ကြွရူးသွပ်ဆေးပြားတွေ ဖမ်းဆီးရမိခဲ့တယ်လို့ ပြည်ထဲရေးက ဒီနေ့ ထုတ်ပြန်ပါတယ်။
ကမ်းနီရဲကင်းစခန်းက တပ်ဖွဲ့ဝင်တွေ ပါဝင်တဲ့ ပူးပေါင်းအဖွဲ့ဟာ ထီးချိုင့်မြို့နယ်၊ ချိတ်သင်းကျေးရွာလမ်းဆုံ၊ မန္တလေး-ဗန်းမော်သွားကားလမ်းမှာ မေ ၂၀ ရက်နေ့ ည ၁၀ နာရီလောက်က မနော မောင်းနှင်လာတဲ့ မော်တော်ဆိုင်ကယ်ကို ရပ်တန့်ရှာဖွေရာက ဖမ်းဆီးမိခဲ့တာပါ။
ဆိုင်ကယ်ပေါ်ရှိ ဆာလာအိတ်အတွင်းမှ စိတ်ကြွရူးသွပ်ဆေးပြား ၃၆,၀၀၀ ပြား သိမ်းဆည်းရမိခဲ့တာဖြစ်ပြီး မနော (၁၉) နှစ်အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားတယ်လို့ သိရပါတယ်။
