ကျပ်သိန်း ၁ သောင်းခွဲအထူးဆု မင်္ဂလာတောင်ညွှန့်မြို့နယ်က ဇနီးမောင်နှံ ဆွတ်ခူး
DVB
·
May 1, 2020
၁၅ ကြိမ်မြောက်ကျပ်သိန်း ၁ သောင်းခွဲ အထူးဆုကြီးကို မင်္ဂလာတောင်ညွှန့်မြို့နယ်မှာ နေထိုင်တဲ့ ဇနီးမောင်နှံက ဆွတ်ခူးသွားခဲ့ပါတယ်။
နေပြည်တော် ပုပ္ပသီရိ မြို့နယ်အတွင်းမှာဖွင့်လှစ်ထားတဲ့ ဆုလာဘ်ပိုင်ထီဆိုင်ကနေ ပေါက်မဲနံပါတ် စ အက္ခရာ ၄၄၁၇၉၈ နဲ့ ဆယ်စောင်တွဲထီကနေ ကံထူးခဲ့တာလို့ ဆုလာဘ်ပိုင်ထီဆိုင်ပိုင်ရှင် ကိုအောင်ပိုပိုက ပြောပါတယ်။
နေပြည်တော်က လက်လုပ်တောင် ရွှေနန်းသွင်းစေတီတော်ကို ဘုရားဖူးသွားရင်း ကံစမ်းခဲ့တဲ့ ထီ လက်မှတ်ကနေ ဆွတ်ခူးခဲ့တာဖြစ်တယ်လို့ ကံထူးရှင်ဖြစ်သူ မဝေဝေလင်းကလည်း DVB ကို ပြောပါတယ်။
မေ ၁ ရက်နေ့ ပြုလုပ်ခဲ့တဲ့ ထီဖွင့်ပွဲမှာတော့ COVID-19 ကပ်ဘေးကြောင့် ရောင်းမကုန်ထီ လက်မှတ် တဝတ်ကျော်ထိ ကျန်ရှိခဲ့တာပါ။
ဒါပေမဲ့ ထီလက်မှတ်တွေကို ကြိုတင်ရိုက်နှိပ်ထားရတာဖြစ်လို့ လာမဲ့ထီဖွင့်ပွဲတွေမှာလည်း အက္ခရာလုံးရေကို လျှော့ချသွားဖို့မရှိသေးဘူးလို့ အောင်ဘာလေသိန်းဆုဌာနက DVB ကို ပြောပါတယ်။
