COVID-19 အတည်ပြုလူနာအမှတ် Case -110 သေဆုံး
DVB
·
April 29, 2020
COVID-19 ဓာတ်ခွဲအတည်ပြုလူနာအမှတ် (Case- 110) သေဆုံးသွားတယ်လို့ ကျန်းမာရေးနဲ့ အားကစားဝန်ကြီးဌာနက ဒီကနေ့ မွန်းလွဲ ၁ နာရီမှာ သတင်းထုတ်ပြန်ပါတယ်။
တောင်ဥက္ကလာပအထူးကုဆေးရုံမှာ အထူးကြပ်မတ်ကုသခံယူခဲ့ရတဲ့ သွေးတိုးရောဂါနဲ့ အမျိုးအစား (၂) ဆီးချိုရောဂါ အခံရှိသူ အသက် (၆၃)နှစ်အရွယ် အမျိုးသား (Case-110) ဟာ ဒီကနေ့မနက် ၁၁ နာရီ ၁၅ မိနစ်က သေဆုံးသွားတာလို့ ဆိုပါတယ်။
သေဆုံးရတဲ့ကြောင်းအရင်းမှာ ပြင်းထန် အဆုတ်ရောင်ရောဂါကြောင့် ရုတ်တရက် အသက်ရှူလမ်းကြောင်းပျက်စီးခြင်း၊ အသက်ရှူလမ်းကြောင်းအတွင်း ဘက်တီးရီးယားပိုး ဝင်ရောက်ခြင်းနဲ့ ရုတ်တရက်ကျောက်ကပ်ပျက်စီးခြင်းတို့ကြောင့် ဖြစ်တယ်လို့ ကျန်းမာရေးဌာန ထုတ်ပြန်ချက်မှာ ဖော်ပြပါတယ်။
ဧပြီ ၂၉ ရက်အထိ မြန်မာနိုင်ငံတဝန်းမှာ ဓာတ်ခွဲအတည်ပြုလူနာ စုစုပေါင်း ၁၅၀ ဦး၊ ရောဂါပိုးကင်းစင်သူ ၁၆ ဦးနဲ့ သေဆုံးသူ ၆ ဦးရှိသွားပြီဖြစ်ပါတယ်။
