ဖားဆောင်းမြို့နယ်ရှိ လိုခါးလိုအထက်တန်းကျောင်း သစ်ပင်လဲကျသဖြင့် ထိခိုက်ပျက်စီး
DVB
·
March 19, 2020
ကယားပြည်နယ်၊ ဖားဆောင်းမြို့နယ်၊ မော်ချီး-လိုခါးလိုကျေးရွာမှာရှိတဲ့ လိုခါးလို အ.ထ.က ခွဲ ကျောင်းဆောင်သစ် ဒီကနေ့မနက်ပိုင်းက သစ်ပင်လဲကျလို့ ပျက်စီးသွားပါတယ်။
ဆွေးနေတဲ့ ညောင်ပင်လဲကျလို့ ကျောင်းဆောင် ထိခိုက်ပျက်စီးသွားခဲ့တာလို့ ဒေသခံတွေက ပြောပါတယ်။ စာသင်ဆောင်အမိုးနဲ့ ကျောင်းသားတွေရဲ့ ထိုင်ခုံတွေ ကျိုးပဲ့ပျက်စီးသွားခဲ့တာ ဖြစ်ပြီး လူတွေကတော့ ထိခိုက်ဒဏ်ရာရခဲ့တာမရှိပါဘူး။
ဒီကျောင်းဆောင်ဟာ အစိုးရက ပြီးခဲ့တဲ့ ၂၀၁၆ ခုနှစ်က မှ ဆောက်လုပ်ပေးခဲ့တဲ့ ကျောင်းဆောင်လည်းဖြစ်ပါတယ်။
