တိုင်ရီစက်ရုံအလုပ်သမားများ ရန်ကုန်ဝန်ကြီးချုပ်နှင့် တွေ့ခွင့်ရရန် စောင့်ဆိုင်းနေ
ဇေယျာချမ်းအေး
·
February 20, 2020
ရန်ကုန်တိုင်း၊ လှိုင်သာယာစက်မှုဇုန် ၃ ရှိ တိုင်ရီစက်ရုံက အလုပ်သမား ၃၀၀ ကျော်ဟာ တိုင်းဒေသကြီး ဝန်ကြီးချုပ်ဦးဖြိုးမင်းသိန်းနဲ့ တွေ့ဆုံခွင့်ရဖို့ ဖေဖော်ဝါရီ ၁၉ ရက် ည ၁၀နာရီကတည်းက ရန်ကုန်တိုင်း အစိုးရရုံးရှေ့မှာ စောင့်ဆိုင်းနေကြပါတယ်။
ဖြစ်သင့်တဲ့ အလုပ်သမားအခွင့်အရေးတွေ ဖြည့်ဆည်းပေးဖို့ ဝန်ကြီးချုပ်ကို တွေ့ဆုံပြီး တောင်းဆိုမယ်လို့ အလုပ်သမားခေါင်းဆောင်တွေက ပြောပါတယ်။
ဒါပေမယ့် အချိန် ၁၃ နာရီကျော်စောင့်ဆိုင်းပြီးတဲ့နောက်မှာ တွေ့ခွင့်မရတဲ့အတွက် ကြွေးကြော်သံတွေအော်ပြီး ဆန္ဒထုတ်ဖော်တဲ့အသွင်ကို ပြောင်းလာပါတယ်။
အလုပ်သမားဥပဒေပါ ပြဋ္ဌာန်းချက်တွေအတိုင်း အခွင့်အရေးတွေ ဖြည့်ဆည်းပေးဖို့နဲ့ လုံလောက်မယ့် အနိမ့်ဆုံးလုပ်ခလစာ ပြင်ဆင်သတ်မှတ်ပေးရေးကို အလုပ်သမားတွေက ကြွေးကြော်နေ ကြပါတယ်။
