ကားတစီးပေါ်မှ ပြုတ်ကျခဲ့သည့် ကားဘီးအတွင်း စိတ်ကြွဆေးများ သိမ်းဆည်းမိ
DVB
·
November 16, 2019
ရခိုင်ပြည်နယ် မောင်တောမြို့နယ်မှာ မနေ့က ကားတစီးပေါ်ကနေ ပြုတ်ကျခဲ့တဲ့ ကားဘီးအတွင်းမှ စိတ်ကြွဆေးပြား ၄၆၄၁၀ ပြား သိမ်းဆည်းရမိခဲ့တယ်လို့ သိရပါတယ်။
နိုဝင်ဘာလ ၁၅ ရက်နေ့ မနက် ၉ နာရီကျော်က လုံခြုံရေးတပ်ဖွဲ့ဝင်တွေဟာ ဘူးသီးတောင်မြို့နယ်၊ လက်ဝဲဒတ်ပြင်ရှည်ကျေးရွာအနီး ဘူးသီးတောင်-မောင်တော ကားလမ်းမှာ Hijet အမျိုးအစားအဖြူရောင်မော်တော်ယာဉ်တစီးပေါ်မှ ကားဘီး ၁ လုံး ကျကျန်ခဲ့ကြောင်း သတင်းအရ သွားရောက်စစ်ဆေးခဲ့ရာ ကားတာယာအတွင်းမှ စိတ်ကြွဆေးပြား ၄၆၄၁၀ ပြား ပိုင်ရှင် (စိစစ်ဆဲ) သိမ်းဆည်းရမိခဲ့တာလို့ ပြည်ထဲရေးက ထုတ်ပြန်ပါတယ်။
ပိုင်ရှင်(စိစစ်ဆဲ)အား တောင်ဘဇာနယ်မြေရဲစခန်း၊ မယ(ပ)၄/၂၀၁၉၊ မူး/စိတ်ပုဒ်မ ၁၉(က) နဲ့ အမှုဖွင့်စုံစမ်းနေတယ်လို့ သိရပါတယ်။
