ထိုင်းတောင်ပိုင်းတွင် လူသတ်မှုဖြင့် မြန်မာ ၂ ဦး အဖမ်းခံရ
DVB
·
April 29, 2019
ထိုင်းတောင်ပိုင်း၊ ဆုန်ခလာခရိုင်၊ ဟတ်ယိုင်မြို့မှာ မြန်မာအလုပ်သမား ၁ ဦးသေဆုံး သွားတာနဲ့ ပတ်သက်ပြီး အလုပ်သမားတန်းလျားမှာ အတူနေထိုင်သူ မြန်မာလုပ်သား ၂ ဦးကို တာဝန်ရှိသူတွေက ဧပြီ ၂၈ ရက်မှာ ဖမ်းဆီးလိုက်ပါတယ်။
ပြီးခဲ့တဲ့ ဧပြီ ၂၇ ရက်နေ့ ည ၈ နာရီလောက်က ဟတ်ယိုင်မြို့ ခေါဟုန်ရပ်ကွက် နယ်မြေ ၅ ရှိ အလုပ်သမားတန်းလျားမှာ အလုပ်သမားချင်း ခိုက်ရန်ဖြစ်ပွားပြီး အသက် ၃၁ နှစ်အရွယ် မြန်မာအလုပ်သမားတဦး ထုနှက်ခံထားရတဲ့ ဒဏ်ရာတွေနဲ့ သေဆုံးသွားတယ်လို့ ဟတ်ယိုင်ရဲတပ်ဖွဲ့က သတင်းထောက်ကို ပြောပါတယ်။
မျက်မြင်သက်သေတွေရဲ့ ထွက်ဆိုချက်အရ သေဆုံးသူဟာ အခင်းမဖြစ်ခင်က အခြားအလုပ်သမား ၂ ဦးနဲ့ ခိုက်ရန်ဖြစ်ခဲ့တယ်လို့ သိရှိရတဲ့အတွက် ထွက်ပြေးတိမ်းရှောင်နေသူ အလုပ်သမား ဦးမျိုးဝင်းနဲ့ ဦးသန်းဌေးတို့ကို ရဲက လိုက်လံရှာဖွေခဲ့ပါတယ်။
ဧပြီ၂၈ ရက်မှာတော့ အဲဒီရပ်ကွက်ထဲရှိ အိမ်တအိမ်မှာ ပုန်းခိုနေတဲ့ သူတို့ ၂ ဦးကို တာဝန်ရှိသူတွေက သွားရောက်ဖမ်းဆီးခဲ့ရာမှာ သူတို့ ၂ ဦးကလည်း လူသတ်မှုကျူးလွန်ကြောင်း ၀န်ခံခဲ့ပါတယ်။
အခင်းဖြစ်တဲ့ညက တန်းလျားမှာ မီးပျက်နေလို့ ရေလည်းမလာကြောင်း၊ အဲဒီ အချိန် အပြင်မှာ မူးယစ်သောက်စားပြီး ရောက်ရှိလာတဲ့ အသတ်ခံရသူက စိတ်တိုပြီး ဘာမှမဆိုင်ဘဲနဲ့ သူတို့ ၂ ယောက်ကို အပြစ်ပြောရာကနေ စကားများခဲ့ရတယ်လို့ ဆိုပါတယ်။
အသတ်ခံရသူက အရှည် ၅၀ စင်တီမီတာလောက်ရှည်တဲ့ တုတ်ကိုကိုင်ပြီး သူတို့၂ ဦးကို အရင်ဝင်ရိုက်ကြောင်း၊ သူတို့ကလည်း အနီးမှာရှိ ကျောက်လှည့်နဲ့ ကျောဘက်ကနေ ထိုးစိုက်လိုက်ပြီး ခေါင်းကိုလည်း တုတ်နဲ့ ရိုက်ခဲ့တဲ့အတွက် သေဆုံးသွားခဲ့တာလို့ ဖမ်းဆီးခံထားရ သူ ၂ နှစ်ဦးက ရဲစခန်းမှာ ထွက်ဆိုခဲ့ပါတယ်။
ကိုးကား - ထိုင်းရတ်သတင်း
