အမြန်လမ်းမကြီးတွင် ယာဉ် ၂ စီးတိုက်မိ၊ ၄ ဦးသေဆုံး ၈ ဦးဒဏ်ရာရ
DVB
·
March 25, 2019
ပဲခူးတိုင်း၊ ကျောက်တံခါးမြို့နယ် ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၉၇/၃ အနီးမှာ မတ်လ ၂၅ ရက်မနက်က ယာဉ်နှစ်စီးတိုက်မိခဲ့ပြီး ခရီးသည် ၄ ဦးသေဆုံးကာ ၈ ဦးဒဏ်ရာရခဲ့တယ်လို့ မြို့ချောင်းအမြန်လမ်းမကြီး ရဲတပ်ဖွဲ့စခန်း တာဝန်ရှိသူတဦးက ပြောပါတယ်။
နေပြည်တော်ကနေ ရန်ကုန်ဘက်သို့မောင်းနှင်လာတဲ့ Light Truck ယာဉ်ကို ယာဉ်ကြောတူနောက်ကနေ မောင်းနှင်လာတဲ့ ရွှေကိန္ဒရီခရီးသည်တင်ယာဉ်က ကျော်တက်စဉ် အရှိန်မထိန်းနိုင်ဘဲ ဝင်တိုက်မိခဲ့တာလို့ ဆိုပါတယ်။
မြို့ချောင်း အမြန်လမ်းရဲတပ်ဖွဲ့စခန်း တာဝန်ရှိသူက "အခင်းဖြစ်တဲ့နေရာမှာ သေဆုံးတာက သုံးဦးပါ။ နောက်တယောက်က ဆေးရုံမှာ ဆုံးတာ စုစုပေါင်း ၄ ဦးဖြစ်သွားတယ်။ လူနာတွေ ကိုတော့ ဖြူးဆေးရုံနဲ့ မြို့ချောင်းဆေးရုံကို တင်ထားတာ။ အခုတော့ တောင်ငူဆေးရုံကိုပြောင်းပြီး တင်ထားပါတယ်။ ယာဉ်မောင်းတိုက်တဲ့ ယာဉ်မောင်း ကိုတော့ စစ်ဆေးနေပါပြီ"လို့ ပြောပါတယ်။
ယာဉ်တိုက်မှုကြောင့် ရွှေကိန္ဒရီခရီးသည်တင်ယာဉ်ပေါ်မှာ လိုက်ပါလာသူတွေတော့ ဒဏ်ရာရခဲ့တာ မရှိပေမယ့်လည်း Light Truck ယာဉ်ပေါ်မှာလိုက်ပါလာသူ ခရီးသည် ၄ ဦး သေဆုံးကာ ၈ ဦးဒဏ်ရာရှိခဲ့တာပါ။
ယာဉ်တိုက်မှုနဲ့ပတ်သက်ပြီး "ရွှေကိန္ဒရီ"ယာဉ်မောင်းကို မြို့ချောင်းအမြန်လမ်းမကြီး ရဲစခန်းက ရာဇသတ်ကြီးပုဒ်မ ၃၀၄-က/၃၃၇/၃၃၈ နဲ့ အမှုဖွင့် အရေးယူထားပါတယ်။
သတင်း - ကျော်အောင်(ကညွတ်ကွင်း)
