အုတ်တွင်း ကြားဖြတ်ရွေးကောက်ပွဲ မဲပေးမှု နာမည်လွဲမှားမှုအချို့ရှိ
DVB
·
November 3, 2018
ပဲခူးတိုင်းဒေသကြီး အုတ်တွင်းမြို့နယ်မှာ ကြားဖြတ်ရွေးကောက်ပွဲ မဲရုံတွေ ဒီနေ့မနက်ပိုင်းက စတင်ဖွင့်လှစ်ပြီး မဲဆန္ဒရှင်တွေ ဆန္ဒမဲပေးကြရာမှာ နာမည်လွဲမှားမှု အချို့ရှိတယ်လို့ သိရပါတယ်။
အုတ်တွင်းမြို့နယ်မှာ မဲရုံ ၅ ရုံရှိပြီး မဲရုံအမှတ် ၂ မှာတော့ မဲပေးခွင့်ရှိသူ ၅၀၀ လောက်ထဲက ဒီနေ့မနက်ပိုင်း ဆန္ဒမဲလာပေးသူ ၄၀ လောက်ရှိသွားပြီ ဖြစ်ပါတယ်။
ဆန္ဒမဲလာပေးသူတွေထဲမှာ တချို့ နာမည်လွဲမှားမှုတွေ ရှိတယ်လို့ မဲရုံအမှတ် ၂ မှာ ရောက်ရှိနေတဲ့ ဒီဗွီဘီသတင်းထောက် ကျော်အောင်က ပြောပါတယ်။
“နာမည်အလွဲအမှားလေးတွေ ရှိပါတယ်။ မိဘနာမည်လေးတွေ လွဲတာရှိတယ်။ တချို့ကျတော့ သူတို့နာမည်မှာ ၀စ္စနှစ်လုံးပေါက်ပိုတာလေးတွေပေါ့။ ဒါပေမယ့် သူတို့ကိုတော့ မဲပေးခွင့်မဆုံးရှုံးအောင် ကော်မရှင်ကနေပြီး အစစအရာရာ ဆောင်ရွက်ပေးနေတယ်လို့ ပြောပါတယ်။"
အုတ်တွင်းမြို့နယ်မှာ လစ်လပ် တိုင်းဒေသကြီး လွှတ်တော် ၁ နေရာအတွက် အမျိုးသားဒီမိုကရေစီအဖွဲ့ချုပ်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အပါဝင် ပါတီ ၇ ခုနဲ့ တသီးပုဂ္ဂလကိုယ်စားလှယ် တယောက် ၀င်ရောက်ယှဉ်ပြိုင်ကြမှာ ဖြစ်ပါတယ်။
နိုဝင်ဘာ ၃ ရက်နေ့ ကြားဖြတ်ရွေးကောက်ပွဲမှာ လစ်လပ်မဲဆန္ဒနယ ၁၃ နေရာအတွက် နိုင်ငံရေးပါတီ ၂၄ ခုက ကိုယ်စားလှယ်လောင်း ၆၂ ဦးနဲ့ တသီးပုဂ္ဂလ ကိုယ်စားလှယ်လောင်း ၇ဦး စုစုပေါင်း ၆၉ ဦး ယှဉ်ပြိုင်မှာပါ။
ကျော်အောင်
