မြိတ်မြို့နယ်တွင် လူ ၃ ဦး မိုးကြိုးပစ်ခံရ၊ ၁ ဦး သေဆုံး
DVB
·
October 27, 2018
တနင်္သာရီတိုင်းဒေသကြီး မြိတ်မြို့နယ်မှာ လူ ၃ ဦး မိုးကြိုးပစ်ခံရပြီး ၁ ဦး သေဆုံးသွားတယ်လို့ ပြည်ထဲရေးသတင်းမှာ ဖော်ပြပါတယ်။
အောက်တိုဘာလ ၂၆ ရက်နေ့ မွန်းလွဲ ၂ နာရီလောက်က မြိတ်မြို့နယ်၊ ကျွဲကူးကျေးရွာ အစိုးရနည်းပညာအထက်တန်းကျောင်း ကျောင်းဝင်းအနီး တဲအတွင်းမှာ ထက်ကိုလင်း (၂၁) နှစ်အပါအဝင် ၃ ဦး မိုးခိုနေစဉ် မိုးကြိုးပစ်ခံခဲ့ရတာပါ။
မိုးကြိုးပစ်ခံရပြီး ၃ ဦးလုံး စိုးရိမ်ရ ဒဏ်ရာရရှိခဲ့တာကြောင့် မြိတ်မြို့ ပြည်သူ့ဆေးရုံကြီးကို ပို့ဆောင်ကုသစဉ် ညနေ ၃ နာရီခွဲမှာ ထက်ကိုလင်း သေဆုံးသွားခဲ့တယ်လို့ ဆိုပါတယ်။
ထက်ကိုလင်း သေဆုံးမှုအား မြိတ်မြို့မရဲစခန်း သေမှုသေခင်း အမှတ်စဉ်(၄၇/၂၀၁၈) နဲ့ ရေးဖွင့်စစ်ဆေးနေကြောင်း သိရပါတယ်။
