အကျဉ်းထောင်ရိပ်မခိုချင်၊ တရားမျှတမှုသာ လိုချင်သူ အသက်(၇၈)နှစ်အရွယ်ဖွားအေး
DVB
·
October 21, 2018
ဓာတ်ပုံ: လင်းခိုင်
“ အမေကြီးရဲ့ ယာမြေမှာ ခြံစည်းရိုးကာလို့ တရားစွဲဆိုခံထားတာပါ။ သူတို့ကို အမေကြီးက ယာမြေမပေးလို့ဆိုပြီး အခုလို တရားစွဲတာပါ” လို့ အသက်(၇၈)နှစ်အရွယ် ဒေါ်အေးက ငိုကြွေးကာ ပြောပြနေသည်။မန္တလေးတိုင်းဒေသကြီး၊ ပုသိမ်ကြီးမြို့နယ်၊ ဒဟတ္တောကျေးရွာအုပ်စု အောင်သပြေကျေးရွာအနီး တည်ဆောက် လျက်ရှိသည့် တနေ့လျှင် တန် (၅၀၀၀)ကျ ကျောက်မီးသွေးစွမ်းအင်သုံး ဘိလပ်မြေစက်ရုံ စီမံကိန်းအား ကန့်ကွက် ဆန္ဒထုတ်ဖော်မှုကြောင့် ငြိမ်းစုစီ ဥပဒေပုဒ်မ (၁၉)၊ လမ်းတံတား ဥပဒေပုဒ်မ (၂၂) တို့ဖြင့် ရွာသူရွာသားများ အမှု ဖွင့်ခံထားကြရသည်။ ထိုရွာသူရွာသားများထဲတွင် အသက်(၇၈)နှစ်အရွယ် ဒေါ်အေးတယောက်လည်း ပါဝင်နေသည်။ အသက် (၇၈)နှစ်ကျော် အမေအိုသည် ဘုန်းကြီးကျောင်းကို သွားရမည့်အရွယ်မှာ ဘုန်းကြီးကျောင်းတွင် ဘုရား တရားကိစ္စ သွားမလုပ်နိုင်ရှာဘဲ တရားရင်ဆိုင်နေရသူတယောက်ဖြစ်နေလေသည်။ ရဲအင်အားအလုံးအရင်းဖြင့် ရဲကားများ ရွာကိုရောက်ရှိလာပြီး ဘိလပ်မြေစက်ရုံစီမံကိန်း ကန့်ကွက်သူများထဲမှ ဦး ဆောင်သူ ရွာသားဦးရွှေအုန်းကို ဖမ်းဆီးသည့်အချိန် ဒေသခံများက တားဆီးခဲ့ကြသည့်မြင်ကွင်းကိုတော့ အမေအို က အမြဲတမ်းမြင်ယောင်လျက်ရှိသည်။ “ ဦးရွှေအုန်းကို ရဲတွေလာဖမ်းတော့ အမေကြီးတို့ရွာက လူတွေက ဝိုင်းဆွဲကြလုကြတာပေါ့။ မတရားဖမ်းတာကိုး။ အဲဒီမှာ ငိုတဲ့သူက ငိုကြတယ်။ အဲဒီကနေ စပြီးတော့ ပြဿနာတွေ ဖြစ်တော့တာပဲ” ဟု ဒေါ်အေးက ဖြစ်စဉ်ကို ပြန် ပြောပြသည်။ ထိုနေ့တွင် အသက်(၇၀)ကျော် အမေကြီးဒေါ်အေးတယောက် မူးမေ့လဲကျကာ ဆေးရုံသို့ ပို့ခဲ့ရသည်။ “ အဲဒီနေ့က အမေကြီးမူးမေ့သွားလို့ ဆေးရုံ(၃)ရက်တောင် တက်လိုက်ရတယ်။ ရဲမေအစောင့်နဲ့ ဆေးရုံတက်ခဲ့ရ တာပေါ့။ ရဲတွေမြင်ရင် အလိုလိုကြောက်နေတယ်။ အဲဒီနေ့ အဖြစ်အပျက်ကတော့ အမေကြီး တသက်မှာ တခါမှ မကြုံဖူးဘူး” ဟု ဝမ်းနည်းစွာဖြင့် ပြောပြနေသည်။ ကျေးရွာတွင်နေထိုင်သူများသည် တောင်ယာလုပ်ငန်းကို အဓိက လုပ်ကိုင်ကြသူများဖြစ်ကြသည်။ “အမေကြီးအသက်လည်း (၇၀)ကျော်နေပါပြီ။ တရားရင်ဆိုင်ရတော့ တော်တော်လေးကို စိတ်ညစ်တယ်။ ရဲတွေ၊ ရှေ့နေတွေနဲ့ တရားရုံးသွားရင် အလိုလို နှလုံးတွေခုန်၊ ရင်တွေတုန်ပြီး ကြောက်နေရပါတယ်” ဟု ဒေါ်အေးက ငို ယိုပြီး ပြောပြသည်။ အမေကြီးဒေါ်အေးတယောက် သြဂုတ်လ(၂)ရက်နေ့တွင် ကျန်းမာရေးမကောင်းသဖြင့် ကျပ်သိန်း(၅၀)ဖြင့် အာမခံ ရရှိခဲ့သည်။ သူမနှင့်အတူ ပုဒ်မ(၂၂)နှင့် တရားစွဲခံထားရသည့် အမျိုးသမီး(၂)ဦးနှင့် အမျိုးသား(၁)ဦးမှာ အာမခံ လျှောက်ထား မှုကို ပယ်ချခံထားရပြီး မန္တလေး၊ အိုးဘိုထောင်သို့ ပို့ဆောင်ထားသည်။
ဓာတ်ပုံ: Nay Myo Linn/ fb
ပုသိမ်ကြီး မြို့နယ် အောင်သပြေ ကျေးရွာ ကျောက်မီးသွေး စက်ရုံ ဆန္ဒပြပုံ – ဓာတ်ပုံ: soe Lwinoo’s Facebook
ထို့အတူ ငြိမ်းစုစီပုဒ်မဖြင့် တရားစွဲခံရသည့် ဒေါ်ရီရီအောင်က “ လမ်းတံတားဥပဒေတဲ့၊ အာမခံမရဘူး။ ခြံစည်းရိုးမှု က လူသတ်မှုထက်တောင် ကြီးနေတယ်။ လူသတ်တဲ့သူတောင် အာမခံပေးနေတာပဲ။ ကိုယ့်ခြံစည်းရိုးကိုယ်ခတ် တာ အဖမ်းခံရပြီး အာမခံမရဘူးဆိုတော့ စဉ်းစားစရာပါ” ဟု သူမ၏ခံစားချက်ကို ပြောသည်။မန္တလေးတိုင်း အိုးဘိုထောင်ထဲတွင် ဖမ်းဆီးချုပ်ခံထားရသည့် အသက်(၆၀)ကျော် အမျိုးသမီး(၂)ဦးမှာလည်း ကျန်း မာရေးမကောင်းသဖြင့် အမြန်ပြန်လွှတ်ပေးရန် ဒေါ်ရီရီအောင်ကလည်း တောင်းဆိုလိုက်သည်။ “မတရားဖမ်းခံထားရတဲ့သူပြန်လွှတ်ပေးပါ။ ကျမတို့ကတော့ အမှန်တရားပေါ်လာဖို့ တရားဆက်ရင်ဆိုင်မယ်။ ကုမ္ပ ဏီအပြီးဖျက်သိမ်းဖို့ တိုက်ပွဲဝင်သွားမယ်” ဟု ဒေါ်ရီရီအောင်က ဆက်လက်ပြောဆိုသည်။ “ အမေကြီးတို့ အေးချမ်းစွာ မနေရဘူး။ ကောင်းကောင်းမွန်မွန်မနေရဘူး။ ဘာသာရေးလည်း ကောင်းကောင်း မလုပ်ရဘူး။ အမြဲတမ်းခြိမ်းခြောက်ပါတယ်။ ဒေါ်အောင်ဆန်းစုကြည်နဲ့ သမ္မတကြီးကိုလည်း ကျမတို့ ပြဿနာကို ပစ်မထားပါနဲ့လို့ပြောချင်ပါတယ်” ဟု အမေကြီးဒေါ်အေးကလည်း ဝမ်းနည်းစွာဖြင့် ပြောဆိုလိုက်သည်။ အသက်အရွယ်ကြီးပြီး တရားရိပ်ခိုနားရမည့် ဒေါ်အေးတယောက် အကျဉ်းထောင်ရိပ် မခိုနားရစေရန် နေ့စဉ်နှင့် အမျှ ဆုတောင်းလျက်ရှိပြီး တရားရုံးသွားရန် တွန့်ဆုတ်လျက်နှင့် မပျက်မကွက်သွားလာနေပါသည်။ http://hiburma.net မှ ကူးယူဖော်ပြသည်။
