မြင်းခြံမြို့နယ်တွင် ဖရဲသီးများ စတင်ထွက်ရှိနေသော်လည်း ဈေးကောင်းမရသေး
DVB
·
August 31, 2018
မန္တလေးတိုင်းဒေသကြီး၊ မြင်းခြံမြို့နယ် အနီးပတ်ဝန်းကျင် ကျေးရွာတွေမှာ ရာသီပေါ် သီးနှံတမျိုးဖြစ်တဲ့ ဖရဲသီးတွေ အသီးတွေ စတင်ထွက်ရှိလာပေမယ့် ရောင်းချတဲ့နေရာမှာ ဈေးကောင်းမရရှိသေးဘူးလို့ ဒေသခံ ဖရဲစိုက်တောင်သူတွေထံက သိရပါတယ်။
သစ်ရုံကျေးရွာမှာ ဖရသီး ၈ ဧက စိုက်ပျိုးထားသူ ဦးမောင်ကျော်က “မနှစ်က မိုးများတာရယ်၊ ဖရဲသီး အဝယ်နည်းတာရယ်ကြောင့် ပုပ်ကုန်ပြီး တောင်သူတွေ ရှုံးကြတယ်။ ဒီနှစ် မိုးက သဲသဲမဲမဲမရွာတော့ ဖရဲသီး စိုက်ပျိုးတဲ့ တောင်သူတွေ အခက်တွေ့တယ်။ မိုးမရွာတော့ ဆေးကိုပဲ အားကိုးသုံးနေရတယ်။ ဆေးကို ၅ ရက် တစ်ကြိမ်လောက် ဖျန်းပေးရတော့ ကုန်ကျစရိတ်က အရမ်းများနေတာပေါ့၊ အသီးထွက်နှုန်းကောင်းဖို့က ဆေးကို မကြာခဏ ဖျန်းပေးနေရတာ။ မိုးမကောင်းတော့ အခြားသီးနှံဖြစ်တဲ့ မြေပဲတို့၊ နှမ်းတို့ စိုက်လည်း တောင်သူတွေ အရှုံးပေါ်နေတာဆိုတော့ ဖရဲသီးက ရာသီပေါ်သီးနှံဆိုပြီး စိုက်ပျိုးကြတာပါ။ ရောင်းချတဲ့နေရာမှာလည်း အခုချိန်ထိတော့ ဈေးကောင်းမရသေးတဲ့အတွက် တောင်သူတွေ အဆင်မပြေကြပါဘူး။”
ဖရဲသီးမှာ 855 နဲ့ 211 ဆိုပြီး အမျိုးအစား နှစ်မျိုးရှိပြီး နှစ်စဉ် ဒေသထွက် ဖရဲသီးတွေကို ပြည်တွင်း မြို့ကြီးတွေသာမက တရုတ်ပြည်အထိ တင်ပို့ရောင်းချနေရတာလည်း ဖြစ်ပါတယ်။ လက်ရှိမှာတော့ ရေကြီး ရေလျှံမှုတွေကြောင့် လမ်းပန်းဆက်သွယ်ရေးတွေ အခက်အခဲဖြစ်နေလို့ ကုန်တင်ပို့မှု ရပ်ဆိုင်းထားရတယ်လို့ သိရပါတယ်။
ဖရဲသီး အရောင်းအဝယ် ပြုလုပ်နေတဲ့ ကိုဖိုးဇော် “အခု မူဆယ်ကိုတော့ စပို့နေပြီ၊ တရုတ်ဘက်က များများ အဝယ်လိုက်မှ ဈေးကောင်းရတာ။ ခုတော့ ဈေးကွက်က မကောင်းသေးဘူး၊ ရန်ကုန်၊ မော်လမြိုင်၊ တိုက်ကြီး စတဲ့မြို့ တွေကိုလည်း တင်ပို့ရပါတယ်။ ဒါပေမဲ့ လမ်းပန်းဆက်သွယ်ရေးတွေ မကောင်းလို့ ရပ်ဆိုင်းထားရတယ်လို့ ဆိုပါတယ်။
မြင်းခြံမြို့နယ်မှာ ဖရဲသီးစိုက်ခင်းတွေကို မြင်းခြံမှ နဘူးအိုင်သို့သွားရာ ကားလမ်းဘေး ဝဲယာတလျှောက်ရှိ ကျေးရွာတွေမှာ အများဆုံး စိုက်ပျိုးနေကြတာလည်း ဖြစ်ပါတယ်။
သတင်း - ရီရီထွန်း(မြင်းခြံ)
