ပြည်ထောင်စု ငြိမ်းချမ်းရေး ညီလာခံ၊ ၂၁ ရာစုပင်လုံ တတိယအကြိမ် အစည်းအဝေးရဲ့ ထူးခြားမှုကတော့ နိုင်ငံရေးကဏ္ဍမှာ ကျား၊ မ တန်းတူညီမျှရေးကို တခုတည်းသော ခေါင်းစဉ်အဖြစ် ဆွေးနွေးခဲ့ကြခြင်း ဖြစ်ပါတယ်။ မြန်မာနိုင်ငံမှာ လူဦးရေ ထက်ဝက်ကျော်က အမျိုးသမီးများ ဖြစ်နေတဲ့အတွက် ငြိမ်းချမ်းရေးဖြစ်စဉ်နဲ့ နိုင်ငံရေးဖြစ်စဉ်တွေမှာ အမျိုးသမီးတွေရဲ့ အခန်းကဏ္ဍကို ပစ်ပယ်ထားလို့ မရဘူးလို့ အမျိုးသမီးအရေး တက်ကြွဆောင်ရွက်သူတွေက အစဉ်အမြဲ ပြောဆိုခဲ့ကြပါတယ်။ ဒါပေမယ့်လည်း ငြိမ်းချမ်းရေး ဆွေးနွေးပွဲတွေ၊ နိုင်ငံရေးဆွေးနွေးပွဲတွေမှာ ကျား၊ မ တန်းတူညီမှု (Gender Equality) အကြောင်း ဆွေးနွေးကြရာမှာ နားလည်မှုတွေက အများကြီး ကွဲလွဲနေသေးတယ်လို့ သိရပါတယ်။ [caption id="attachment_283902" align="alignleft" width="400"] ပြည်ထောင်စု ငြိမ်းချမ်းရေးညီလာခံ-၂၁ ရာစု ပင်လုံ (တတိယအကြိမ်) တက်ရောက်သူများ။ (ဓာတ်ပုံ – ဒေါ်နန်းဖြူဖြူလင်း Facebook )[/caption] ၂၁ ပင်လုံခေါ် ငြိမ်းချမ်းရေးညီလာခံဟာ အနာဂတ်ဒီမိုကရေစီနဲ့ ဖက်ဒရယ်ပြည်ထောင်စု တည်ဆောက်နိုင်ဖို့ လိုအပ်တဲ့ အခြေခံမူတွေ၊ မူဝါဒတွေ ချမှတ်နိုင်ရေးကို ဦးတည်ပြီး နိုင်ငံရေးဆွေးနွေးနေသော အခင်းအကျင်းတခု ဖြစ်ပါတယ်။ ဒါ့ကြောင့် Gender အရေးနဲ့ ပတ်သက်ပြီး ဆွေးနွေးခြင်းဟာ ဖက်ဒရယ်ရဲ့ အခြေခံသဘောတရားဖြစ်တဲ့ မတူကွဲပြားမှုတွေကို စုစည်းညီညွတ်စေခြင်းနဲ့ ဒီမိုကရေစီ စံနှုန်းတခုဖြစ်တဲ့ အများသဘောကို လိုက်နာအကောင်အထည်ဖော်ရန် ကြိုးပမ်းမှုဖြစ်တဲ့အတွက် Gender နဲ့ပတ်သက်ပြီး ဆွေးနွေးတာဟာ အရေးကြီးပါတယ်လို့ ရှမ်းပြည်နယ် အမျိုးသမီးနဲ့ ငြိမ်းချမ်းရေးကွန်ရက်မှ ဒါရိုက်တာ မသန္တာဦးက မှတ်ချက်ပြုလိုက်ပါတယ်။ ငြိမ်းချမ်ရေးညီလာခံမှာ ဂျန်ဒါနဲ့ပတ်သက်ပြီး အချက် ၄ ချက်ကို ဆွေးနွေးကြပေမယ့် အမျိုးသမီးအဖွဲ့အစည်းတွေ လိုချင်တာကို အတိအကျတော့ မရရှိခဲ့ဘူးလို့ ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ တတိယအစည်းအဝေးကို တက်ရောက်ခဲ့တဲ့ အမျိုးသမီးတွေက ပြောဆိုခဲ့ပါတယ်။ လက်ရှိ ငြိမ်းချမ်းရေးညီလာခံမှာ ဆွေးနွေးခဲ့တာတွေကတော့ ကျား၊ မ ဆိုင်ရာ လိင်ခွဲခြားမှု မရှိစေခြင်း၊ တန်းတူညီမျှခြင်း၊ ကဏ္ဍတိုင်းမှာ အမျိုးသမီးများ အနည်းဆုံး ၃၀ ရာခိုင်နှုန်း ပါဝင်စေခြင်း၊ လိင်အခြေပြု အကြမ်းဖက်မှုများအား အကာအကွယ်ပေးခြင်း၊ အမျိုးသမီးများရဲ့ စွမ်းဆောင်မှုကို မြှင့်တင်ခြင်းဆိုတဲ့ အချက် ၄ ချက် ပါဝင်ပါတယ်။ ဒါပေမယ့်လည်း ပြည်ထောင်စုသဘောတူညီချက် အစိတ်အပိုင်း (၂) မှာ အားလုံး သဘောတူလာခဲ့ကြတဲ့ အပိုဒ် (ခ) နဲ့ အပိုဒ် (ဃ) တို့ကိုတော့ အမျိုးသမီးကိုယ်စားလှယ်များက စိတ်တိုင်းမကျခဲ့ကြဘူးလို့ပါ ဆိုပါတယ်။ “ကျမတို့ ကြိုက်တဲ့ စာသားတော့ မဟုတ်ဘူး။ ကျမတို့ နောက်ဆုံးမျှော်လင့်ထားတာကတော့ ကျား၊ မ တန်းတူညီမျှရေးကို အနည်းဆုံး ၃၀ ရာခိုင်နှုန်း အမျိုးသမီးတွေကို ပါဝင်ဖို့ အားပေးမယ်ဆိုတဲ့ စကားလုံးက ဖွဲ့စည်းပုံအခြေခံဥပဒေအထိ ပါသွားမှာဖြစ်တဲ့အတွက် ခိုင်လုံမှု ရှိပြီးတော့ တကယ်ကို ဖြည့်ဆည်းပေးနိုင်မယ့် မူဝါဒဖြစ်လာဖို့ မျှော်လင့်တယ်” လို့ ငြိမ်းချမ်းရေးအတွက် ကျား၊ မ တန်းတူညီမျှရေးအဖွဲ့ (AGIPP) မှ နန်းဖြူဖြူလင်းက ပြောပါတယ်။ အပိုဒ် (ခ) နဲ့ပတ်သက်လို့ အမျိုးသမီးအဖွဲ့တွေအနေနဲ့ ဆက်လက်ကြိုးစားသွားရမှာဖြစ်ပြီး “မတိကျတဲ့ အခြေခံမူကြောင့် မူဝါဒကို ဘယ်လိုအကောင်အထည် ဖော်ကြမယ်ဆိုတာ စိတ်ပူစရာကောင်းပါတယ်” လို့ နန်းဖြူဖြူလင်းက ပြောပါတယ်။ “ဂျန်ဒါကိစ္စနဲ့ပတ်သက်ပြီး ဆွေးနွေးရတာ ခက်ခဲနေဦးမှာပါ။ ကျား၊ မ ရေးရာ မူဝါဒကို ဆွေးနွေးမယ်ဆိုတဲ့အတွက် ကျမတို့ ကြိုဆိုတယ်၊ ဝမ်းသာတယ်။ တချို့ အစုအဖွဲ့ခေါင်းဆောင်တွေ၊ အမျိုးသားစည်းလုံးရေးနဲ့ ယဉ်ပါးနေသူတွေကတော့ တခြားအရေးကြီးတာတွေ ရှိတဲ့အထဲက ဂျန်ဒါက အရေးမကြီးဘူး၊ ဆွေးနွေးပွဲတွေက အဓိပ္ပါယ်မရှိတော့ဘူးလို့ ပြောဆိုနေတာတွေလည်း တွေ့ရပါတယ်” လို့ နန်းဖြူဖြူလင်းက ထောက်ပြပါတယ်။ ၂၁ ရာစုပင်လုံရဲ့ ကဏ္ဍအလိုက် ဆွေးနွေးပွဲတွေမှာ အမျိုးသမီးများ ပါဝင်ဆွေးနွေးမှုရှိပေမယ့် အမျိုးသမီးတွေရဲ့ [caption id="attachment_283903" align="alignright" width="384"] ပြည်ထောင်စု ငြိမ်းချမ်းရေးညီလာခံ-၂၁ ရာစု ပင်လုံ (တတိယအကြိမ်) AGIPPနှင့် WLB မှ တက်ရောက်သူများ။ (ဓာတ်ပုံ – Thwe Thwe Aye’s Facebook )[/caption] ပါဝင်မှုကို အာမခံချက်ပေးတဲ့ မူဝါဒတွေ ဆွေးနွေးရာမှာ ကျား၊ မ ရေးရာ တန်းတူညီမျှမှု အသိပညာပေးရန် များစွာလိုအပ်နေကြောင်းလည်း ယနေ့ AGIPP ရဲ့ ထုတ်ပြန်ချက်မှာ ဖော်ပြထားပါတယ်။ “ကျမတို့ ဒီပွဲမှာ ပွဲမလှဘူး။ ကျမတို့ ကျား၊ မ တန်းတူညီမျှရေးကိစ္စမှာ အမျိုးသားတွေက အလေးအနက် မထားကြတဲ့အပြင် စေတနာလည်းမရှိ၊ နားလည်းမလည်ကြဘူး။ စိတ်လည်းမဝင်စားတော့ ဆွေးနွေးတဲ့အခါ ဘာမှဖြစ်မလာဘူး” လို့  ကရင်အမျိုးသားအစည်းအရုံး (KNU) ရဲ့နိုင်ငံရေးကဏ္ဍ ကိုယ်စားလှယ်အဖြစ် ပါဝင်ဆွေးနွေးခဲ့တဲ့ နော်ဆဲဆဲက ပြောပါတယ်။ ကျား၊ မ တန်းတူညီမျှရေးနဲ့ပတ်သက်ပြီး အမျိုးသားအများစုက  အမျိုးသမီးအခွင့်အရေး လာတောင်းကြတဲ့သဘောသာ နားလည်ကြပြီး ဆွေးနွေးတဲ့အခါမှာလည်း စိတ်ဝင်စားမှု မရှိတာကို တွေ့မြင်ရတယ်လို့ နော်ဆဲဆဲက ထောက်ပြလိုက်ပါတယ်။ “တပ်မတေ်ာ၊ လွှတ်တော်နဲ့ အစိုးရက ကျား၊ မ တန်းတူညီမျှရေးကိစ္စမှာ နားမလည်တာ၊ လက်မခံချင်တာတွေကို ပြတ်ပြတ်သားသား တွေ့ရတယ်။ တိုင်းရင်းသားလက်နက်ကိုင်အဖွဲ့ဘက်ကတော့ ကျွမ်းကျင်တဲ့ အမျိုးသမီးတွေကို ခေါ်ထားပေမယ့် သူတို့လည်း မပြတ်သားဘူး၊ အချင်းချင်းလည်း ညီညွတ်မှုမရှိဘူး။ ဂျန်ဒါနဲ့ပတ်သက်ပြီး အသိတွေ၊ ခံယူမှုတွေလည်း မရှိတော့ မရရင်လည်း ဘာမှမဖြစ်ဘူးဆိုတဲ့ သဘောပဲ။ ခပ်ပေါ့ပေါ့ပဲ။ ကျမတို့ ပါဝင်ရပေမယ့် ဆုံးဖြတ်ချက်ချပိုင်ခွင့် မရှိဘူး” လို့ နော်ဆဲဆဲက ဆွေးနွေးပွဲမှာ ကြုံတွေ့ရတာတွေကို ပြန်ပြောပြပါတယ်။ “မြန်မာနိုင်ငံမှာ ကျား၊ မ တန်းတူညီမျှမှုတွေ၊ အမျိုးသမီး အခွင့်အရေးတွေနဲ့ ပတ်သက်လာရင် နားလည်မှု သိပ်မရှိကြသလို ယဉ်ကျေးမှုအရ အမျိုးသားများ ဦးဆောင်မှုကသာ လွှမ်းမိုးနေတယ်” လို့ နိုင်ငံရေးပါတီများ အစုအဖွဲ့ ကိုယ်စားလှယ်၊ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်ကလည်း ပြောဆိုလိုက်ပါတယ်။ “ကျနော်တို့ ဂျန်ဒါဆွေးနွေးတဲ့အချိန်မှာ အခက်အခဲတွေ အများကြီး ရှိပါတယ်။ ဂျန်ဒါကို  ကျေကျေလည်လည် နားလည်တဲ့သူကလည်း သိပ်မရှိဘူး။ ဆွေးနွေးနေတဲ့သူ အများစုက အမျိုးသားတွေ ဖြစ်နေတဲ့အတွက် တွေးခေါ်မှုတွေမှာ သူတို့ နည်းနည်းဝေးတယ်” လို့ စိုင်းကျော်ညွန့်က မှတ်ချက်ပြုလိုက်ပါတယ်။ ဆက်လက်ပြီး စိုင်းကျော်ညွန့်က “မြန်မာနိုင်ငံမှာ အမျိုသမီးတွေက အရည်အချင်းရှိမှ ဘာမှဆိုပြီး အမျိုးမျိုးပြောကြတယ်။ ဒါပေမယ့် တကယ်ဖြစ်ပျက်နေတာ ကြည့်လိုက်ရင် အရည်အချင်းရှိတာချင်းတူတူ အမျိုးသားတွေက နေရာရနေကြတာများတယ်။ အမျိုးသမီးတွေက သူတို့ထက် ၂ ဆလောက်တော်မှပဲ သူက နေရာတနေရာ ရောက်လာတယ်ဆိုတာ လက်တွေ့မှာတော့ ဒီလိုပဲဖြစ်နေတယ်” လို့ စိုင်းကျော်ညွန့်က ပြောဆိုလိုက်ပါတယ်။ ငြိမ်းချမ်းရေးအပါအဝင် ဖြစ်စဉ်တခုလုံးမှာ မြန်မာနိုင်ငံ၊ အမျိုးသမီးတွေ ရာခိုင်နှုန်းထက်ဝက်ကျော် ရှိတဲ့အတွက် အမျိုးသမီးတွေကဏ္ဍ အရေးပါမှုကို ပြောနေစရာ မလိုတော့ဘဲ သာမန်အတွေးနဲ့တွေးမယ်၊ တွက်မယ်ဆိုရင်တောင် အမျိုးသမီးအခန်းကဏ္ဍက အလွန်အရေးကြီးတယ်ဆိုတာ ပေါ်လွင်နေတယ်လို့လည်း စိုင်းကျော်ညွန့်က ထောက်ပြလိုက်ပါတယ်။ “ကျား၊ မ တန်းတူညီမျှမှုနဲ့ ပတ်သက်ပြီး တဖြည်းဖြည်းချင်းနဲ့ နားလည်အောင် ပညာပေးလုပ်ငန်းတွေ လုပ်ဆောင်ရမယ်" လို့ စိုင်းကျော်ညွန့်က ထပ်မံတိုက်တွန်းပြောဆိုပါတယ်။ ငြိမ်းချမ်းရေးညီလာခံမှာ ဂျန်ဒါနဲ့ပတ်သက်ပြီး “ဂျန်ဒါ (Gender) ဆိုတာကို မြင်တဲ့အမြင် သဘောထားတွေ မတူညီဘူး၊ အမျိုးသမီးတွေရဲ့ အရည်အချင်းအပေါ် မေးခွန်းထုတ်တာတွေ၊ မယုံကြည်မှုတွေ ရှိကြတယ်” လို့ မသန္တာဦးကလည်း ပြောပါတယ်။ လက်ရှိ အနည်းဆုံး ၃၀ ရာခိုင်နှုန်းဆိုတာကို တော်တော်လက်မခံကြဘူး။ ဒါက အမျိုးသမီးတွေကို နေရာပေးဖို့ ခက်ခဲနေသေးတဲ့ သဘောပဲလို့ ကရင်အမျိုးသားပါတီမှ ကိုယ်စားလှယ်အဖြစ် တက်ရောက်ခဲ့တဲ့ နော်မာမာချိုက ပြောပါတယ်။ “ကျမတို့ နိုင်ငံရေးပါတီ အစုအဖွဲ့မှာလည်း တော်တော်လေး ငြင်းခုံရတယ်။ ကဏ္ဍအသီးသီးတွေမှာ အမျိုးသမီး ၃၀ ရာခိုင်နှုန်း ပါဝင်ဖို့ အချက်တွေ တော်တော်ပြောယူနေရတယ်” လို့ နော်မာမာချိုက ဆိုပါတယ်။ ဆက်လက်ပြီး ဒေါ်မာမာချိုက “ဒီနေရာထိရောက်ဖို့ အစ်မတို့ အမျိုးသမီးအဖွဲ့တွေ တေ်ာတော်လေး ကြိုးစားလာကြပေမယ့် ဆွေးနွေးပွဲမှာ အခက်အခဲကတော့ အများကြီး ရှိသေးတယ်” လို့ ဆိုပါတယ်။ ငြိမ်းချမ်းရေးအတွက် ကျား၊ မ တန်းတူရေး မဟာမိတ် (AGIPP) မှ သဘာပတိ မိကွန်ချန်းနွန်ကတော့ အမျိုးသမီး အဖွဲ့အစည်းတွေအနေနဲ့ အမျိုးသမီးကဏ္ဍတိုင်းမှာ ပါဝင်လာနိုင်ဖို့၊ ပေါ်လစီတွေ ခိုင်ခိုင်မာမာ ချမှတ်ပြီး အကောင်အထည်ဖော်ဆောင်တဲ့ အဆင့်တွေမှာလည်း အမျိုးသမီးတွေ ပါဝင်မှုကို သေချာအောင် ပြုလုပ်ရမယ်ဆိုတာ အစဉ်တစိုက် တောင်းဆိုခဲ့တယ်လို့ မိကွန်ချန်းနွန်က ပြောပါတယ်။ “ပြည်ထောင်စုသဘောတူညီချက်က တချို့အချက်တွေမှာ အားပေးမယ်ဆိုတာနဲ့ ကျေနပ်ရတဲ့အဆင့်ပါ။ ကျမတို့ ပန်းတိုင်ရောက်ဖို့ ပေါ်လစီတွေ သေသေချာချာ ချမှတ်ရမှာက ကျမတို့ အမျိုးသမီးတွေရဲ့မျှော်လင့်ချက်ဖြစ်ပါတယ်” လို့ မိကွန်ချန်းနွန်က ဆိုပါတယ်။ ၂၁ ရာစု ပင်လုံ တတိယအစည်းအဝေးမှာ အမျိုးသမီးပါဝင်မှု အခြေအနေကတော့ ကိုယ်စားလှယ်အဖြစ် ပါဝင်တဲ့ အမျိုးသမီး ၁၇ ရာခိုင်နှုန်းဖြစ်ပြီး ညီလာခံမှာ ပါဝင်တဲ့ အမျိုးသမီးအားလုံး စုစုပေါင်း ၂၂ ရာခိုင်နှုန်း ဖြစ်ပါတယ်။ အမျိုးသမီးပါဝင်မှု အများဆုံးကတော့ အစိုးရအဖွဲ့ ၂၉ ရာခိုင်နှုန်း၊ ဒုတိယ အများဆုံးကတော့ လွှတ်တော်အစုအဖွဲ့ ၂၄ ရာခိုင်နှုန်းဖြစ်ပြီး တတိယအများဆုံးမှာ တိုင်းရင်းသားလက်နက်ကိုင်အဖွဲ့ ၂၀ ရာခိုင်နှုန်းဖြစ်ကာ တပ်မတော်အစုအနေနဲ့ အမျိုးသမီးပါဝင်မှု ၅ ရာခိုင်နှုန်းသာ ရှိတယ်လို့ AGIPP ရဲ့ထုတ်ပြန်ချက်အရ သိရပါတယ်။ ရေရှည်တည်တံ့တဲ့ ငြိမ်းချမ်းရေးကို တည်ဆောက်နိုင်ဖို့ ငြိမ်းချမ်းရေးဖြစ်စဉ်တခုလုံးမှာ ကျား၊ မရေးရာ ဂျန်ဒါဆန်းစစ်မှုတွေကို အဆင့်တိုင်း ပြုလုပ်ပေးဖို့ လိုအပ်တယ်လို့ အမျိုးသမီးအရေး ဆောင်ရွက်နေတဲ့ အဖွဲ့တွေက ပြောဆိုလိုက်ပါတယ်။ ကျား၊ မ ရေးရာ တန်းတူညီမျှမှုက ငြိမ်းချမ်းရေးအတွက် ဆွေးနွေးရမယ့် ခေါင်းစဉ်တခုဖြစ်ပြီး အနာဂတ်ဖွဲ့စည်းပုံမှာ ကျား၊ မ တန်းတူညီမျှမှုနဲ့ ကျား၊ မ ခွဲခြားဆက်ဆံမှုတွေကို အကာအကွယ်ပေးနိုင်တဲ့ မူဝါဒတွေ အခိုင်အမာချမှတ်ထားဖို့ လိုအပ်တယ်လို့ အမျိုးသမီး အဖွဲ့အစည်းတွေက တညီတညွတ်တည်း ပြောဆိုနေကြပါတယ်။ နန်းဆိုင်နွမ် (hiburma.net ဝက်ဘ်ဆိုက်မှ ပြန်လည်ဖော်ပြသည်။)