ရှမ်းပြည်မြောက်ပိုင်း ကျောက်မဲခရိုင် ပလောင်အုပ်ချုပ်ခွင့်ရဒေသ နမ့်ဆန်မြို့နယ်ထဲမှာ ဒီကနေ့ မနက်က မိုင်းပေါက်ကွဲမှုဖြစ်ပွားလို့ လူငယ် ၂ ဦး ဒဏ်ရာရသွားပါတယ်။ နမ့်ဆန်မြို့အပေါ်ဘက် ၂ မိုင်ကျော်အကွာ ဇယန်းမြောက်လို့ခေါ်တဲ့ နမ့်ခေးကျေးရွာအနီးမှာ ဒီကနေ့မနက် ၁၀ နာရီလောက်က ပေါက်ကွဲမှုဖြစ်ပွားခဲ့တာဖြစ်ပြီး အနီးမှာ ဖြတ်သန်းသွားတဲ့ ဆိုင်ကယ်ပေါ်က လူ ၂ ယောက်ကို မိုင်းစတွေ ထိမှန်ခဲ့တာလို့ နမ့်ဆန်မြို့ခံ ကိုမှန်ကြီးက ဒီဗွီဘီကို ပြောပါတယ်။ မိုင်းစကြောင့်  နမ့်​ဆန်​မြို့ မြို့လယ်​ရပ်​ကွက်​​နေ ​မောင်​ဇင်​လင်းကို  (၁၉ နှစ်) မှာ မျက်စိ တဖက်ပျက်စီးသွားပြီး မန်​တုံမြို့နေ မအီ​လောင်း (​၁၉ နှစ်​) မှာလည်း  သွေးထွက်လွန်ကာ အသက်အန္တရာယ်စိုးရိမ်ရကြောင်း၊ ဒဏ်ရာရသူတွေကို နမ့်ဆန်မြို့ သံသရာခရီးသည် နာရေးကူညီမှုအသင်းက ဆေးရုံ ပို့ပေးခဲ့တယ်လို့ ကိုမှန်ကြီးက ပြောပါတယ်။ ဒီကိစ္စနဲ့ ပတ်သက်ပြီး ပလောင်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင် ဦးသိန်းဇော်က အဆိုပါဒဏ်ရာရသူ ၂ ဦးမှာ ဘုန်းကြီးပျံပွဲကိုအလာ မိုင်းထိမိတာဖြစ်ကြောင်း၊ သူတို့ကို နမ့်ဆန်ဆေးရုံကနေတဆင့် လားရှိုးဆေးရုံကြီးကို ဆက်လက်ပို့ဆောင်ပေးလိုက်ပြီလို့ ဆိုပါ တယ်။ နမ့်ဆန်မှာ တိုက်ပွဲတွေ မရှိပါဘဲနဲ့ အခုလို မိုင်းတွေ ထောင်ထားတဲ့အပေါ် စဉ်းစားလို့ မရကြောင်း၊ အစိုးရက ပြည်ထောင်စုငြိမ်းချမ်းရေးညီလာခံကျင်းပနေချိန် တဖက်က ခုလို မိုင်းထောင်တာတွေလုပ်တာကို ဘယ်အဖွဲ့အစည်းကပဲလုပ်လုပ် ရှုတ်ချတယ်လို့ ဦးသိန်းဇော်က ပြောသွားပါတယ်။