မကွေးတိုင်း တောင်သူများ တမာစေ့ကောက်ပြီး အပိုဝင်ငွေရနေ
DVB
·
June 29, 2018
မကွေးတိုင်း၊ ချောက်မြို့နယ်၊ စလေမြို့၊ ချောင်းတက်ကျေးရွာမှာ ဒေသခံ တောင်သူတွေဟာ စိုက်ပျိုးချိန်မတိုင်မီ တမာပင်အောက်မှာ တမာစေ့ ကောက်ကြရလို့ နေ့စဉ် အပိုဝင်ငွေ ရနေကြပါတယ်။
တမာစေ့ ၁၆ ပြည် ၁ တင်းကို ၁၂ဝဝဝ ကျပ်ငွေအထိ ရောင်းချရပြီး တဦးကို ပျှမ်းမျှ တနေ့ ၃၅ဝဝ မှ ၄ဝဝဝ အပိုဝင်ငွေရရှိတယ်လို့ ဒေသခံတွေက ပြောပါတယ်။
လာကောက်သူတွေဟာ ချောင်းတက်ရွာက အများဆုံးဖြစ်ပြီး တခါတရံ မန်ကျည်းဇောက် ကျေးရွာကလည်း လာကောက်ကြတယ်လို့ ချောင်းတက်ရွာမှ ဒေသခံတဦးက ပြောပါတယ်။
“ရာသီ ၁ နှစ်ကို ၁ လ ကျော်ကျော်တော့ ကောက်ရတယ်။ ဒီနှစ်ကောက်တဲ့ လူများလာတယ်။ ဒီနှစ်မှာ ၁ဝဝ ကျော်လောက်ရှိမယ်။ လူဦးရေ၊ ဒီနှစ်က ဈေးတော့ မကောင်းဘူး၊ အရင်နှစ်က ဒီထက်ဈေးကောင်းတယ်။ မနှစ်က တပြည် ၁ ထောင်လောက်ရောင်းရတယ်။ ကောက်တဲ့လူ များလာလို့ ဈေးကျသလားတော့ မပြောတတ်ဘူး။ ဒီအတိုင်းတော့ ရောင်းရတာမဟုတ်ဘူး၊ အိမ်ရောက်ရင် ရေစိမ်ပြီး အခွံချွတ်ရတယ်။ ပြီးတော့ နေ ပြန်ပြပြီးမှ ရောင်းရတာ။”
ချောင်းတက်ကျေးရွာက တမာစိ အဝယ်ဒိုင်မှ ဦးခင်စိုးက တမာစေ့တွေကို ပခုက္ကူ၊ ပလိတ် တို့ကို တင်ပို့ရောင်းချတာဖြစ်ပြီး စိုက်ပျိုးရေးဆေး ထုတ်လုပ်တဲ့ နေရာတွေမှာ သုံးတယ်လို့ သိရကြောင်း ရှင်းပြပါတယ်။
“အရင်နှစ်ကဈေးနဲ့ အခုနှစ် ဈေးကွာတာ နှစ်ချက်ရှိတယ်။ အရင်နှစ်က ဝယ်တဲ့ နယ်ကုန်သယ်က ငွေချပေးထားပြီးတော့ တင်း ဘယ်လောက်အပ်ရမယ် စာချုပ်နဲ့လုပ်ရတယ်။ အဲဒီနှစ်က ဘယ်လိုဖြစ်လဲဆိုရင် ကောက်တဲ့လူတွေက အပင်ပေါ်က အသီးစိမ်းတွေကို တက်ပုတ်ပြီး အခွန်ချွတ်ရောင်းကြတာတွေ ဖြစ်လာတော့ မမှည့်သေးတဲ့ အသီးတွေဖြစ်ကုန်ပြီး အစေ့ထဲက ဝတ်ဆံက မအောင်ဘူး။ အဓိက အစေ့ထဲက အဆံကို သူတို့က အသုံးပြုကြတာ။ ငွေကလည်း ပေးထားပြီးသားဆိုတော့ မသိမ်းလို့လည်း မရတော့ဘူး၊ အဲဒါကြောင့် ဒီနှစ်မှာတော့ မှည့်လို့ကြွေတဲ့ အသီးထဲက အစေ့ကိုပဲ သေချာပြောဝယ်ရတာပေါ့။ အဲဒါကြောင့် ဒီနှစ်မှာ ကျနော်တို့လို ဝယ်တဲ့လူတွေက ငွေရင်းရတယ်။ တပိုင်တနိုင်ဆိုသလို တင်း ၄ဝ ကျော်လောက်ရရင် တခါ တင်ပို့တယ်။ ရောင်းတဲ့နေရာမှာ ဈေးပုံသေ မထားတော့ဘဲ သူတို့ဆီက အလုပ်သမား ၅ ဦးလောက်ကို အစေ့ ၁၀၀ စီ ပေးပြီး ကွမ်းညှပ်နဲ့ ခွဲခိုင်းတယ်။ အဲဒီထဲကနေမှ သူတိုလိုချင်တဲ့ အရည်သွေး ၁၀၀ မှာ ၆၀ ပါရင် ဘယ်ဈေး၊ ၅၀ ပါရင် ဘယ်ဈေး ဆိုပြီး အဲလိုဈေးဖြတ်ဝယ်တယ်။”
စလေမြို့ သွားလမ်းဖြစ်တဲ့ မိုလာရွာလမ်းခွဲမှ ဝင်သွားရင် လမ်းဘေးဝဲယာမှာ အသီးပြိုင်ပြိုင်သီးနေတဲ့ ၅ မိုင်အရှည်လောက်ရှိတဲ့ တမာပင်လေးတွေကို တွေ့ရပါတယ်။
ကိုလင်း(ချောက်)
