ကလေးမြို့နယ်တွင် သစ်တင်ကား ၃ စီး၊ သစ်တန် ၁၄ တန်ကျော် ဖမ်းမိ
DVB
·
May 4, 2018
မေလ ၂ ရက်နေ့က ကလေးမြို့နယ် အင်ဒိုင်းကြီးရွာ တပ်ထိန်းလမ်းခွဲမှာ တရားမဝင် သစ်တင်ကား ၃ စီးနဲ့ သစ်တန်ချိန် ၁၄ တန်ကျော် ဖမ်းဆီးမိခဲ့တယ်လို့ ကလေးမြို့မ ရဲစခန်းက သိရပါတယ်။
အမှတ် (၇) တပ်မတော် တပ်ထိန်းတပ်ခွဲက အရာရှိကိုယ်တိုင် ပါဝင်ပြီး သစ်တောဌာန တာဝန်ရှိသူတွေ အပါအဝင် ကလေးမြို့ရဲတပ်ဖွဲ့ နယ်ထိန်းခေါင်းဆောင် ရဲအုပ်ချစ်စမ်းမောင် ကျေးရွာတာဝန်ရှိသူတွေ ပူးပေါင်းပြီး ဖမ်းဆီးခဲ့တာပဲ ဖြစ်ပါတယ်။
တရားမဝင် သစ်ဖမ်းဆီးမှုမှာ HINO ၆ ဘီးယာဉ် ၃ စီးနဲ့အတူ တရားမဝင်ပျဉ်းကတိုး သစ်ခွဲသား ၂၉ လုံး၊ တန်ချိန် ၁၄ ဒသမ ၇၄၃ တန်နဲ့ ယာဉ်မောင်း ၃ ဦးတို့ကို ဖမ်းဆီးရမိခဲ့တယ်လို့လည်း သစ်တောဌာန တာဝန်ရှိသူတဦးက ဆိုပါတယ်။
တရားမဝင် သစ်သယ်ဆောင်လာတဲ့ ယာဉ်သုံးစီးနဲ့အတူ နေထက်လင်း(ခ)ချင်းလေး၊ ဖိုးလုံး(ခ)ဇင်မင်းထွန်းနဲ့ မောင်ဝင်းတုိ့ကို ကလေးနယ် သစ်တောဌာန တောအုပ် အောင်ကျော်ထွေးက တရားလိုပြုပြီး ပြည်သူပိုင်ပုဒ်မ ၆(၁) နဲ့ အမှုဖွင့်တိုင်ကြားထားပြီး ရဲအုပ်မျိုးမြင့်သန်းက စစ်ဆေးနေတယ်လို့ သိရပါတယ်။
သတင်း - မင်းရဲစစ်နိုင်
