ဒီတပတ်ဆွေးနွေးမယ့် အကြောင်းအရာကတော့ မြန်မာပြည်မှာ ပုဂ္ဂလိကသတင်းစာတွေ ထုတ်ဝေခွင့်ပေးခဲ့တာ ဧပြီ ၁ ရက်နေ့က ၅ နှစ် ပြည့်ခဲ့ပါပြီ။ စပြီး ပေးခဲ့တုန်းကတော့ ပုဂ္ဂလိကသတင်းစာ လိုင်စင် ၃၇ ခု၊ ဌာနဆိုင်ရာ ၇ ခုနဲ့ ပေးခဲ့ပါတယ်။ အခု ၅ နှစ်အတွင်း တနိုင်ငံလုံး အတိုင်းအတာနဲ့ နေ့စဉ်သတင်းစာ ၇ စောင်လောက်ပဲ ကျန်ပါတော့တယ်။ အဲဒါနဲ့ပတ်သက်လို့ မြန်မာပြည်ရဲ့ သတင်းစာလွတ်လပ်ခွင့်ကိစ္စမှာ ၅ နှစ်တာအတွင်း ပုဂ္ဂလိက သတင်းစာတွေ ဘာတွေလုပ်နိုင်ခဲ့လဲ၊ ဘာတွေလုပ်ဖို့ ကျန်သေးလဲဆိုတာ ဆွေးနွေးမှာ ဖြစ်ပါတယ်။ ဒီတပတ် ဆွေးနွေးမယ့်သူတွေကတော့ The Voice Weekly အယ်ဒီတာချုပ် ဦးကျော်မင်းဆွေနဲ့ 7Day Daily အယ်ဒီတာချုပ် ဦးအားမာန်တို့ ဖြစ်ပါတယ်။ ဦးတိုးဇော်လတ် (ဒီဗွီဘီ) “ဆရာ ဦးကျော်မင်းဆွေကို စမေးပါရစေ။ ပုဂ္ဂလိက သတင်းစာတွေ ထုတ်ဝေခွင့်ပေးခဲ့တာ ၅ နှစ်တော့ ပြည့်ခဲ့ပြီ။ ဘာတွေလုပ်နိုင်ခဲ့လဲ၊ ဒီ ၅ နှစ်အတွင်းမှာ အဓိက ဘာတွေကိုများ ရင်ဆိုင်ရလဲ၊ ဘယ်လိုအခက်အခဲရှိလဲ။ အဲဒါလေး ဆွေးနွေးပေးပါဦး။” ဦးကျော်မင်းဆွေ (အယ်ဒီတာချုပ် - The Voice Weekly) “၅ နှစ်သက်တမ်းအတွင်းမှာတော့ ပုဂ္ဂလိက သတင်းစာတွေအနေနဲ့ သတ်မှတ်ထားတဲ့ စတုတ္ထမဏ္ဍိုင်လို့ပဲ ပြောပြော၊ ပရော်ဖက်ရှင်နယ် မီဒီယာလို့ပဲ ပြောပြော တတ်နိုင်သလောက် ပြည်သူလူထုအတွက် သတင်းတာဝန် ကျေပွန်အောင် ထမ်းခဲ့တယ်။ အဓိကတာဝန်ဖြစ်တဲ့ မဏ္ဍိုင် ၃ ခုကို Check and Balance လုပ်ဖို့အတွက် စောင့်ကြည့်တယ်၊ တည့်မတ်တယ်၊ ဝေဖန်ထောက်ပြတယ်။ ဒီအလုပ်တွေ တောက်လျှောက်လုပ်ခဲ့တယ်။ လိုအပ်တဲ့ကိစ္စတွေလည်း အသိအမှတ်ပြုရမယ့် ကိစ္စတွေလည်း အသိအမှတ်ပြုခဲ့တယ်။ တိုင်းပြည်မှာ ဖြစ်ပေါ်လာတဲ့ ပြုပြင်ပြောင်းလဲရေး ကိစ္စတွေ၊ Transition ကိစ္စတွေ၊ ဒီမိုကရေစီ အသွင်ပြောင်းကိစ္စတွေပေါ့။ ဒီကိစ္စတွေအားလုံးမှာ မီဒီယာအနေနဲ့က ကျနော်တို့ တတ်နိုင်သလောက် တာဝန်ကျေပွန်အောင် ထမ်းခဲ့တယ်။ တဖက်မှာလည်း အခက်အခဲတွေ ရှိတာပေါ့။ အခက်အခဲက မီဒီယာလောကမှ မဟုတ်ပါဘူး။ မြန်မာပြည် အသွင်ကူးပြောင်းကာလမှာ နယ်ပယ်တိုင်း၊ ကဏ္ဍတိုင်း၊ လုပ်ငန်းတိုင်းက အခက်အခဲတွေနဲ့ ရင်ဆိုင်နေရတာပဲလေ။ တိုင်းပြည်ထူထောင်ဆဲ ဖြစ်တဲ့အတွက် အတိုင်းအတာ တခုလောက်အထိ အခက်အခဲ ဘယ်လိုပဲကြုံကြုံ သည်းခံခဲ့ရတာတွေလည်း ရှိတယ်။ တချို့အခက်အခဲတွေကတော့ တချို့ အင်စတီကျူးရှင်း သဘောလေးတွေ ပြုပြင် ဖြေလျှော့လိုက်မယ်ဆိုရင် ပြေလည်သွားနိုင်တဲ့ အခက်အခဲလေးတွေ ရှိတယ်။ အဲဒီအခက်အခဲတွေက တော်တော်လေးကြာကြာ ဖြေလျှော့မပေးဘဲနဲ့ ကျနော်တို့ အခက်အခဲ ကြုံခဲ့ရတာတွေလည်း ရှိတယ်။ ဒါတွေကတော့ သက်ဆိုင်ရာ သတင်းမီဒီယာတွေ၊ သတင်းစာတွေ၊ Editorial စာမျက်နှာတွေပေါ်ကတဆင့် ဝေဖန် ထောက်ပြခဲ့တာတွေ ရှိတယ်။ ဒါကတော့ ရှင်းပါတယ်။ ၅ နှစ်အတွင်းမှာ သတင်းစာ စာမျက်နှာတွေအားလုံးကို ကြည့်လိုက်မယ်ဆိုရင် နိုင်ငံထဲမှာ ဖြစ်နေတဲ့ အဖြစ်အပျက်တွေ အားလုံး သိသမျှ ထိန်ချန်ဖုံးကွယ်မထားဘဲနဲ့ ကျနော်တို့ အားလုံးဖော်ပြခဲ့တာပေါ့။ ဒါ ကျနော်တို့ ထမ်းခဲ့တဲ့တာဝန်။ အခက်အခဲကတော့ ပြောနေရင်တော့ အများကြီးပေါ့။ အဓိက အကြီးမားဆုံး အခက်အခဲကတော့ ငွေကြေးပိုင်းဆိုင်ရာ ရေရှည်သွားရတဲ့ အခါကျတော့ တိုင်းပြည်ရဲ့ စီးပွားရေးအခြေအနေကြောင့်လည်း ဖြစ်တယ်။ အစိုးရက ဖြေလျှော့ပေးရမယ့် ကိစ္စတွေမှာ နှောင့်နှေးခဲ့တဲ့အတွက် ကျနော်တို့ အခက်အခဲဖြစ်တာတွေ ရှိတယ်။ ဒါတွေကတော့ မြင်သာထင်သာရှိတဲ့ အခက်အခဲပေါ့။ ကျန်တာကတော့ HR ပိုင်းဆိုင်ရာ အခက်အခဲတို့၊ ပြောင်းလာတဲ့ ခေတ်သဘောသဘာဝအရ Digital Media တွေ၊ အွန်လိုင်းမီဒီယာတွေ ပေါ်လာတဲ့အခါမှာ တကမ္ဘာလုံးမှာ Print Media တွေ ကြုံရတဲ့ အခက်အခဲတွေ ကျနော်တို့လည်း ကြုံရတာပဲပေါ့။ ဒါတွေကတော့ ယေဘုယျ ပြောရမှာပေါ့။” ဦးတိုးဇော်လတ် (ဒီဗွီဘီ) “ဆရာကျော်မင်းဆွေကတော့ ၅ နှစ်အတွင်းမှာ စတုတ္ထမဏ္ဍိုင်အနေနဲ့ တကယ်လုပ်နိုင်ခဲ့တာ လုပ်သင့်တာ လုပ်ခဲ့တယ်။ အဲဒါနဲ့တပြိုင်တည်း တကယ်လက်တွေ့မှာ ရင်ဆိုင်ခဲ့ရတာပေါ့။ တချို့ကတော့ အစိုးရရဲ့ ပေါ်လစီကိစ္စတွေ။ တချို့ကတော့ ကိုယ့်ရဲ့ အဖွဲ့အစည်းရဲ့ ကိစ္စတွေပေါ့။ အဲဒီလိုပဲ ဆရာအားမာန်ကိုလည်း မေးပါရစေ။ 7 Day လည်း ၅ နှစ်ထဲ ရောက်လာပြီ။ အခုဆိုရင် ထုတ်ခဲ့တဲ့ သတင်းစာတော်တော်များများကလည်း မရှိတော့ဘူး။ တနိုင်ငံလုံးအတိုင်းအတာ ၇ စောင်လောက်ပဲ ကျန်တော့တယ်။ အဓိက ဘာတွေလုပ်နိုင်ခဲ့လဲ၊ အရေးကြီးဆုံး ဘယ်စိန်ခေါ်မှုကို ကြုံနေရလဲ။ အဲဒါလေး ဖြည့်စွက်ဆွေးနွေးပေးပါဦး။” ဦးအားမာန် (အယ်ဒီတာချုပ် - 7 Day Daily) “ကျနော်တို့ လုပ်နိုင်ခဲ့တာက မီဒီယာအတွက်က ပုဂ္ဂလိကသတင်းစာ ထုတ်ခွင့်ပေးခဲ့တယ်ဆိုတာ တော်တော်ကြီးမားတဲ့ အပြောင်းအလဲလို့လည်း ပြောလို့ရမယ်။ တဖက်ကလည်း ကျနော်တို့အတွက် တော်တော်ကြီးမားတဲ့ စိန်ခေါ်မှုပါ။ ပုဂ္ဂလိကသတင်းစာ ထုတ်ခွင့်က အစိုးရအနေနဲ့ ရပ်လိုက်တာ တော်လှန်ရေးကောင်စီလက်ထက် နောက်ပိုင်းဆိုတော့ ဆယ်စုနှစ် ၅ ခုနီးနီးလောက် မျိုးဆက်ပြတ်သွားတာ။ အခုထုတ်နေတဲ့ မျိုးဆက်အားလုံးက တခါမှ ကိုယ်ပိုင်ပုဂ္ဂလိကသတင်းစာ ထုတ်ဖူးတဲ့ အတွေ့အကြုံ မရှိဘူး။ ၂၀၁၃ ဧပြီမှာ စထုတ်တယ်။ လုပ်ရင်း၊ သင်ရင်းနဲ့ ကျနော်တို့လုပ်ရတော့ အခက်အခဲကတော့ တော်တော်များပါတယ်။ အစောပိုင်းကာလတွေမှာ ကျနော်တို့ ကြုံရတာက တခါမှ အတွေ့အကြုံမရှိဘဲ လုပ်ရတာဖြစ်တဲ့အတွက် Capacity နဲ့ ပတ်သက်ပြီးတော့ သတင်းထောက်တွေမှာရော၊ အယ်ဒီတာတွေမှာရော အပတ်စဉ်ထုတ် သတင်းဂျာနယ်ပဲ ထုတ်ဖူးရာကနေ နေ့စဉ်ထုတ် သတင်းဂျာနယ် ပြောင်းတဲ့အခါမှာ အကုန် ပြန်သင်နေရတာ။ HR မှာလည်း စိန်ခေါ်မှုက ကြီးပါတယ်။ တဖက်ကလည်း ပုဂ္ဂလိကသတင်းစာတွေ အပတ်စဉ်ကနေ နေ့စဉ် ပြောင်းလိုက်ပေမယ့် တဖက် သတင်းအချက်အလက် ရယူခွင့်က အစိုးရဌာနတွေက အနည်းစုပဲ ပြောင်းတယ်။ အများစုက မပြောင်းဘူး။ အချက်အလက် ရယူပိုင်ခွင့်က ဘာမှမပြောင်းတဲ့ အနေအထားမှာ စိန်ခေါ်မှုက တော်တော်လေးကြီးပါတယ်။ အကြီးဆုံးကတော့ နေ့စဉ်ထုတ်နေတာ ဖြစ်တဲ့အတွက် စစချင်းမှာလည်း ဖြစ်တယ်၊ ဈေးကွက်က ကျဉ်းကျဉ်းလေး။ ထွက်လိုက်တော့ ဝုန်းခနဲ အများကြီး ထွက်လိုက်ကြတယ်ပေါ့။ ဈေးကွက်သေးသေးလေးကို ဝိုင်းပြီးတော့ ယှဉ်ပြိုင်လုရတာပေါ့။ အဲဒီမှာ အစပိုင်းက ဘယ်သူမှ မြတ်တယ်ဆိုတာ မရှိဘူး။ အရှုံးခံတဲ့ ကာလတွေ အကုန်လုံးက ဖြတ်သန်းခဲ့ရတဲ့အခါကျတော့ ငွေကြေးပိုင်းကတော့ တော်တော်ကြီးမားတဲ့ စိန်ခေါ်မှုပါ။ ၅ နှစ်တာ ပြန်ပြီးသုံးသပ်ရင်တော့ ကျေနပ်တာတခုက ၂၀၁၃ ဧပြီမှာ စခွင့်ပြုခဲ့တယ်ဆိုပေမယ့် အဲဒီကာလက မြန်မာနိုင်ငံအတွက် အရေးကြီးဆုံး ကာလလို့ ပြောလို့ရတယ်။ ပြီးခဲ့တဲ့အစိုးရသက်တမ်း ထက်ဝက်ကျော်နေပြီ။ ၂၀၁၅ ဆိုတာ ဒီ ၅ နှစ်အတွင်းမှာ ကြုံရတယ်။ မြန်မာပြည်ရဲ့ ဒီမိုကရေစီ အပြောင်းအလဲကာလမှာ တကယ့်ကို အရေးကြီးတဲ့ အကူးအပြောင်းကာလ။ အဲဒီရှေ့နှစ်ကလည်း စာပေစိစစ်ရေးကလည်း မရှိတော့ဘူး။ လွတ်လွတ်လပ်လပ်လည်း ရေးလို့ရပြီ။ တခါမှ မထုတ်ဘူးတဲ့ သတင်းစာတွေလည်း ကိုယ်တိုင်ထုတ်လို့ရပြီ။ ဒါပေမယ့် အဲဒီလို တကယ်ထုတ်လို့ရပြီ ဆိုပေမယ့် တော်တော်များများက သံသယနဲ့ ကြည့်နေတာ။ တကယ် လွတ်လွတ်လပ်လပ်နဲ့ ပုဂ္ဂလိကနေ့စဉ် သတင်းစာတွေ ထုတ်လာတဲ့အခါမှာ လုပ်နိုင်ပါ့မလား။ ရေးသားတာတွေက အထိန်းအကွပ်မရှိဘဲ အရမ်းဆိုးနေမလားပေါ့နော်။ တိုင်းပြည်ကလည်း အရမ်းအရေးကြီးတဲ့ကာလ ဖြစ်နေတာ။ ကျနော်တို့ လုပ်ဖော်ကိုင်ဘက်တွေရော၊ ကျနော်တို့ကိုယ်တိုင်ရော ပြန်ကြည့်တဲ့အချိန်မှာ ဂုဏ်ယူလို့ရတာက ပုဂ္ဂလိကသတင်းစာတွေကြောင့် ဘာမှ ပြဿနာကြီးကြီးမားမား တက်သွားတာ မရှိဘူး။ ဖြစ်တိုင်း ဖြစ်တိုင်း Issue တွေတိုင်းမှာ မီဒီယာအခန်းကဏ္ဍကနေ ထောက်ပြသင့်တာ ထောက်ပြတယ်။ ဝေဖန်သင့်တာ ဝေဖန်တယ်။ တချို့ ထိန်းထိန်းသိမ်းသိမ်း လုပ်သင့်တာတွေမှာ ထိန်းထိန်းသိမ်းသိမ်း ရေးပြီးတော့ မီဒီယာတွေက ပြန်ကြည့်ရင် တာဝန်ကျေခဲ့တယ်လို့ ပြောရမယ်။ ၂၀၁၃ ကနေ အခုထိက အရေးကြီးတဲ့၊ တကယ့်ကို ပြဿနာကြီးမားတဲ့ ဘာသာရေး၊ လူမျိုးရေး ပြဿနာမျိုးတွေ ပေါ်တာမျိုးတွေ ရှိတယ်။ တိုင်းရင်းသားလက်နက်ကိုင်တွေနဲ့ ပတ်သက်ပြီးတော့ ဖြစ်လာတဲ့ အရေးကိစ္စတွေ ရှိတယ်။ မီဒီယာတွေက လုပ်သင့်လုပ်ထိုက်တာ ပုဂ္ဂလိကသတင်းစာတွေ ဆိုရင်လည်း တာဝန်ကျေပွန် လုပ်နိုင်တယ်လို့ မြင်တယ်။ အတွေ့အကြုံက နည်းပေမယ့် ကျနော်တို့ ပြန်ကြည့်မယ်ဆိုရင် ကျေနပ်စရာလို့ မြင်ပါတယ်။” အပြည့်အစုံကို ရုပ်သံဖိုင်တွင် ကြည့်ရှုနိုင်ပါသည်။