ကနီမြို့နယ်တွင် ဖုန်းအားသွင်းရာမှ မီးလောင်မှုကြောင့် နေအိမ် ၄ လုံး ဆုံးရှုံး
Aung Ko Latt
·
March 11, 2018
စစ်ကိုင်းတိုင်းဒေသကြီး၊ ကနီမြို့နယ်၊ ခုံကြီးအုပ်စု၊ ခုံကြီးကျေးရွာမှာ မတ် ၁၁ ရက်နေ့ မနက်ပိုင်းက ဖုန်းအားသွင်းရာကနေတဆင့် နေအိမ်အချို့ မီးလောင်ဆုံးရှုံးခဲ့ပါတယ်။
နေအိမ်အိပ်ခန်းအတွင်း အဝတ်ခြင်းထဲမှာ ဖုန်းအားသွင်းထားရာက အပူလွန်ကဲပြီး ဦးလှဝင်းနိုင် နေအိမ်ကတဆင့် မီးကူးစက်လောင်ကျွမ်းကာ နေအိမ် ၄ လုံးနဲ့ နွားတဲ ၁ လုံး မီးလောင်ခဲ့ပါတယ်။
မီးလောင်တာက မနက် ၉ နာရီအချိန်က စတင်ကာ လောင်ကျွမ်းခဲ့တာဖြစ်ပြီး ရွာသူ ရွာသားတွေအားလုံး ဝိုင်းဝန်းငြိမ်းသတ်ခဲ့လို့ ၁၀ နာရီခွဲလောက်အချိန်မှာ မီးငြိမ်းသတ်နိုင်ခဲ့တယ်လို့ ကနဦးသတင်းတွေအရ သိရပါတယ်။
