မွန်ပြည်နယ်၊ သံဖြူဇရပ်မြို့နယ်၊ စက်စဲကျေးရွာရှိ စက်စဲကမ်းခြေမှာ နိုဝင်ဘာ ၄ ရက် မနက်ပိုင်းက သားအဖနှစ်ဦး ရေနစ်သေဆုံးခဲ့တယ်လို့ စက်စဲနယ်မြေရဲစခန်းက သိရပါတယ်။ သားအဖနှစ်ဦးက ဧည့်သည်ဖြစ်တဲ့အတွက် ရေအတိမ်အနက်ကို မသိရှိဘဲ ရေနစ်သေဆုံးခဲ့ခြင်းဖြစ်ကြောင်း စက်စဲနယ်မြေရဲစခန်းမှ စခန်းမှူး ရဲအုပ်ဝင်းဌေးက ပြောသည်။ စခန်းမှူး ရဲအုပ်ဝင်းဌေးက “သူတို့က ဘောကွင်းနဲ့ ရေကူးကြတယ်။ လေက အရှေ့လေတွေက တိုက်နေတဲ့အခါကျတော့ ပင်လယ်အနက်ထဲကို လေနဲ့ပါတယ်။ သူတို့က ဧည့်သည်တွေဆိုတော့ မသိတဲ့အခါကျတော့ ဘောကွင်းနဲ့ ရေနက်ထဲပါသွားပြီး ဘောကွင်းလွတ်ပြီးရေနစ်သွားတယ်။ ကိုကျော်ဟိုးနဲ့ သူ့သားက မောင်ကောင်းဟိန်းပါ။” လို့ ပြောပါတယ်။ ရေနစ်သေဆုံးခဲ့တဲ့ သားအဖနှစ်ဦးရဲ့ အလောင်းကို မော်လမြိုင်လူမှုကယ်ဆယ်ရေးအဖွဲ့ (Mawlamyine Rescue) ၊ တောင်ပေါ်လမ်းလျှောက်နားရေးကူညီမှု အသင်း၊ စက်စဲနာရေးနာရေးကူညီမှုအသင်းတို့ ပူးပေါင်းကာ နိုဝင်ဘာ ၄ ရက်နေ့မှ ၅ နေ့အထိ ရှာဖွေခဲ့ပေမယ့် လက်ရှိအချိန်ထိ မတွေ့ရှိသေးဘူးလို့ သိရပါတယ်။ မော်လမြိုင်လူမှုကယ်ဆယ်ရေးအဖွဲ့(Mawlamyine Rescue) က ကိုကောင်းဆက်လင်းက “ကျနော်တို့ တညလုံးလိုက်ရှာတယ်။ အကြောင်းမထူးလို့ ပြန်လာခဲ့လိုက်တယ်။ ရွာခံတွေကတော့ အကြောင်းထူးရင် ဆက်သွယ်ပေးမယ်လို့တော့ ပြောတယ်။ သူတို့ ပျောက်ဆုံးနေတာကတော့ တစ်ရက်ကျော်ပါပြီ။ ရေနစ်သေဆုံးသူတွေရဲ့ မိသားစုအားလုံးတော့ သိရှိပြီးပါပြီ။ မော်လမြိုင်ကပါပဲ” လို့ ပြောပါတယ်။ စက်စဲကမ်းခြေဟာ မုတ္တမ ပင်လယ်ကွေ့မှာ တည်ရှိပြီး မော်လမြိုင်မြို့တောင်ဘက် ၈၀ ကီလိုမီတာ၊ ကျိုက္ခမီမြို့ တောင်ဘက် ၂၄ ကီလိုမီတာ၊ သံဖြူဇရပ်မြို့မှ ၁၀ ကီလိုမီတာလောက် ကွာဝေးပြီး ရန်ကုန်က ကားနဲ့လာရင် ၁၀ နာရီလောက် ကြာမြင့်တယ်လို့ သိရပါတယ်။ သတင်း- အာကာမင်း