နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ  မြန်မာနိုင်ငံမှာ ရောက်ရှိနေတဲ့ ဟောင်ကောင်အုပ်ချုပ်ရေးမှူးချုပ် မစ္စကာရီလမ်း ဦးဆောင်တဲ့ ကိုယ်စားလှယ်အဖွဲ့ကို ဒီကနေ့မနက်က နေပြည်တော်ရှိ နိုင်ငံတော်သမ္မတအိမ်တော် သံတမန်ဆောင် ဧည့်ခန်းမှာ တွေ့ဆုံပါတယ်။ တွေ့ဆုံစဉ် ပညာရေး၊ ကျန်းမာရေး၊ ကုန်သွယ်ရေး၊ ခရီးသွားလုပ်ငန်းနဲ့ ရင်းနှီး မြှုပ်နှံမှုဆိုင်ရာကိစ္စရပ်တွေ၊ နယ်စပ်ရေးရာနဲ့  တိုင်းရင်းသားလူမျိုးစု အခြေအနေတွေနဲ့ မြန်မာနိုင်ငံရဲ့  ငြိမ်းချမ်းရေးဆောင်ရွက်မှု အခြေအနေတွေကို ဆွေးနွေးခဲ့ကြတယ်လို့ အတိုင်ပင်ခံရုံးက သတင်းထုတ်ပြန်ပါတယ်။