ဝမ်းတွင်းတွင် ပိုင်ရှင်မဲ့ ပိတောက်သားများ တင်လာသည့် ကား ၂ စီး ဖမ်းမိ
DVB
·
July 28, 2017
မန္တလေးတိုင်းဒေသကြီး၊ ဝမ်းတွင်းမြို့နယ်၊ ရန်ကုန်-မန္တလေးလမ်းဟောင်း မိုင်တိုင် ၃၇၄/ ၅ နဲ့ ၆ အကြားမှာ ဇူလိုင် ၂၇ ရက် မနက် ၄ နာရီက ပိတောက်သားတွေ တင်ဆောင်လာတဲ့ ကား ၂ စီး ဖမ်းမိခဲ့တယ်လို့ ရွှေတောင်ရွာ ရဲစခန်းက ပြောပါတယ်။
စခန်းမှူးးရဲအုပ် ကျော်နိုင်စိုးက “ကား ၂ စီးလုံးကတော့ ကွန်ကရစ်လမ်းဘေး ချော်ကျပြီး ပြန် မတက်နိုင်ဘူး ဖြစ်နေတယ်။ ခင်းနေဆဲလမ်းကို မသိဘဲမောင်းလာတာ ဖြစ်မယ်။ လိုက်ထရပ်မှာ အရှည် ၃ ပေ ဗျက် ၁ ပေ ထု ၅ လက်မ ရှိတဲ့ ပိတောက်သားတုံး ၂၀ တင်ထားတယ်။ CALDINA က ၁၁ တုံးတင်ထားတယ်။ (၀ ဒသမ ၈၀၆၈)တန်ရှိတယ်။ ကားပေါ်မှာ ကားနဲ့ပတ်သက်တဲ့ အထောက်အထား မတွေ့ရဘူး။ ကားထားပြီး ထွက်ပြေးသွားသူတွေကို စုံစမ်းနေပါတယ်” လို့ ပြောပါတယ်။
ပိတောက်သားတွေ သစ်တောဦးစီးဌာနကို လွှဲပြောင်းပေးထားကာ သစ်တောဦးစီးဌာနက တရားလိုလုပ်ပြီး အမှုဖွင့်ဖို့ ဆောင်ရွက်နေလို့ သိရပါတယ်။
သတင်း-မောင်မောင်လင်း(ဝမ်းတွင်း)
