ကွတ်ခိုင်ဒေသခံ ၉၀ ခန့်ကို ကချင်ဌာနေပြည်သူ့စစ် ဖမ်းဆီးခေါ်ဆောင်
နန်းမြနဒီ
·
February 27, 2017
ရှမ်းပြည်မြောက်ပိုင်း ကွတ်ခိုင်မြို့နယ်ထဲမှာ ကောင်းခါးဌာနေပြည်သူ့စစ် (KDA)က ကွတ်ခိုင်မြို့ပေါ်နဲ့ အနီးနားကျေးရွာ ပတ်ဝန်းကျင်က လူ ၉၀ လောက်ကို ဖမ်းဆီးသွားတယ်လို့ ဖမ်းဆီးခံရသူတွေရဲ့ မိသားစုက ပြောပါတယ်။
ပြီးခဲ့တဲ့ ဖေဖော်ဝါရီ ၂၂ ရက်ကစပြီး ကွတ်ခိုင်နဲ့ ကောင်းခါးရွာကြားရှိ နောင်ပစ်ရွာမှာ ကျေးရွာ ရန်ပုံငွေရှာပွဲကျင်းပစဉ် ပွဲသွားတဲ့ လူငယ်တချို့နဲ့ လမ်းပေါ်က လူတချို့ကို ကောင်း ခါးပြည်သူ့စစ်တွေက ဖမ်းခေါ်သွားခဲ့တာလို့ ကောင်းခါး ဒေသခံ နန်းဆောင်ကပြောပါ တယ်။
“ပွဲသွားတဲ့လူတွေကို စဖမ်းတာ၊ တချို့ကို လမ်းမှာဖမ်းတယ်၊ ကားနဲ့သွားလာတဲ့ လူတွေကို သူတို့တပ်ဖွဲ့တွေကို လိုက်ပို့ပေးပါလို့ပြောပြီး ပြန်မလွှတ်တော့ဘူး။ အဲဒီညက အဖမ်းခံရ တာ ၈၀ ကျော်၊ နောင်ပစ်ရွာသားတွေလည်းပါတယ်။ ဟိုနမ့်၊ ခိုလုံ၊ မန်ကျစ်က ရွာသားတွေလည်း ပါတယ်။ နောက်တနေ့ကျတော့ ကွတ်ခိုင်မြို့ထဲမှာ လူလာကောက်တယ်၊ ၂၃ ရက်နေ့က ၉ ယောက်၊ နောက်ပြီးတော့ ၂၅ ရက်နေ့က ၈ ယောက်၊ ညတိုင်းလိုဘဲ လာလာဖမ်းတယ် ကျမတို့ အကိုလည်း ပါ သွားတယ်။ အကိုကတော့ အိမ်လာလည်တဲ့ဧည့်သည်ကို နောင်ပစ်ရွာဘက်လိုက်ပို့ရင်းအပြန်ကျတော့ လမ်းမှာ အဖမ်းခံရတာ၊ ဒါပေမယ့် ကျမတို့က ပြည်သူ့စစ်အသိရှိတော့ သူတို့ဆီကနေ အကူအညီ တောင်းပြီး ပြန်လွှတ်ပေးဖို့ တောင်းပန်လို့ မနေ့က ပြန်လွတ်လာပြီ။ သူတို့ပြည်သူ့စစ်ချင်း မှားပြီး ဖမ်းမိတဲ့ လူ ၄ ယောက်နဲ့ အတူတူ လွတ်လာတာ။”
ဖမ်းဆီးခံရသူတွေထဲမှာ ကွတ်ခိုင်မြို့ ရပ်ကွက် ၈ က ၂၁ ဦး၊ ရပ်ကွက် ၄ က ၅ ဦး ပါဝင်ကြောင်း၊ ရပ်ကွက် ၈ က အဖမ်းခံရသူတွေထဲမှာ အသက် ၁၀ နှစ်ကျော် ၅ တန်း နဲ့ ၆ တန်း ကျောင်းသားလေး ၂ ယောက်နဲ့ ဟိုနမ့်ရွာက အသက် ၁၀ နှစ်ရွယ် ကလေးတယောက်ပါ သွားတယ်လို့ ဆိုပါတယ်။
အဖမ်းခံရသူတွေထဲက ကွတ်ခိုင်မြို့သား ၂ ယောက်ကတော့ ငွေ ကျပ်သိန်း ၅၀ စီပေးပြီး ပြီးခဲ့တဲ့ ၂၅ ရက်နေ့က တယောက်၊ ၂၆ ရက်နေ့က တယောက် ပြန်လွတ်လာပြီလို့ နန်းဆောင်က ဆက်ပြောပါတယ်။
ဒီကိစ္စနဲ့ပတ်သက်ပြီး ရှမ်းတိုင်းရင်းသားများဒီမိုကရေစီအဖွဲ့ချုပ်က လွှတ်တော် အမတ် စိုင်းဝမ်းလှိုင်းခမ်းကို ရွာသားတွေက ဖုန်းဆက်ပြီး တိုင်ကြားထားတယ်လို့ ဆိုပါတယ်။
ရှမ်းပါတီအနေနဲ့ ဆက်လက်ဆောင်ရွက်နေတဲ့ အခြေအနေတွေနဲ့ ပတ်သက်ပြီး မေးမြန်းဖို့ လွှတ်တော်အမတ်ကိုတော့ ဆက်သွယ်လို့ မရသေးပါဘူး။
ဒီကိစ္စနဲ့ ပတ်သက်ပြီး ကောင်းခါးဌာနေပြည်သူ့စစ်က အမည်မဖော်လိုသူ အရာရှိတဦးကတော့ စစ်သားစုဆောင်းတာမှန်ကန်ကြောင်း၊ ဒါဟာ ပြည်သူတွေအနေနဲ့ အရေးကြုံရင် ကိုယ့်ရပ်ကိုယ့်မြေ ကာကွယ်ဖို့ စစ်သင်တန်းပေးရတာဖြစ်ကြောင်း၊ ဒါပေမယ့် ၀န်ထမ်းတွေ၊ ကျောင်း သားတွေမပါဘဲ အနည်းဆုံး အသက် ၁၈ နှစ်မှ ၅၀ နှစ်တွင်းရှိသူတွေကိုသာ ခေါ်ယူတယ်လို့ ဒီဗွီဘီကို ပြောပါတယ်။
“ကျနော်တို့ ကိုယ့်ဒေသကိုယ်ကာကွယ်ဖို့ ဒေသခံတွေကို ကျနော်တို့ စုဆောင်းပါတယ်၊ ဒါပေမယ့် လုပ်သင့်တဲ့လူတွေမလုပ်သင့်တဲ့လူတွေ သေချာပြန်စိစစ်ပြီးတော့မှ တချို့ကျတော့ ကျန်းမာရေး မကောင်းတာတို့၊ ၀န်ထမ်းသားသမီးတို့ အဲလိုမျိုးတွေစိစစ်ပြီးတော့ ပြန်လွှတ်တာပေါ့။ ပြီးတော့ အသက် ၁၈ နှစ်နဲ့ ၅၀ ကြားကလူတွေဘဲ ခေါ်တယ်။ သင်တန်းပြီးရင် ကိုယ့်ရပ်ရွာ ကိုယ်ပြန်နေ၊ လို အပ်ရင်ပြန်ခေါ်သုံးတယ် အဲလိုမျိုးပေါ့၊ ပိုက်ဆံယူပြီး ပြန်လွှတ်ပေးတယ်ဆိုတာ မရှိပါဘူး၊ ဆယ်နှစ်ရွယ်ကလေးတွေ ကျောင်းသားလေးတွေခေါ်တာလည်း မဟုတ်ပါဘူး။”
၂၂ ရက်နေ့က နောင်ပစ်ရွာမှာ လူ ၈၀ ကျော် ဖမ်းဆီးခဲ့တဲ့ကိစ္စမှာလည်း အဲဒီမှာ လောင်း ကစားဝိုင်းရှိလို့ လောင်းကစားသမားတွေ၊ အရက်သောက်၊ မူးယစ်ဆေးဝါးသုံးတဲ့လူတွေ လိုက်ဖမ်း တာ လို့ သူကပြောပါတယ်။
ဒါပေမယ့် သူ့အနေနဲ့ ဖမ်းဆီးတဲ့အဖွဲ့ထဲမှာ မပါလို့ ဘယ်နှစ်ယောက်ဖမ်းပြီး ဘယ်နှစ်ယောက် ပြန်လွှတ်ပေးတယ်ဆိုတာတော့ မသိရကြောင်း၊ ပြန်ပြီးစိစစ်မေးမြန်းရမှာဖြစ်ကြောင်း ပြောပါတယ်။
ဦးမထုနော် ခေါင်းဆောင်တဲ့ ကောင်းခါးဌာနေပြည်သူ့စစ် (ကချင်အမျိုးသား ကာကွယ်ရေး နှင့်လုံခြုံရေး Kachin Defene Army-KDA ) အဖွဲ့ဟာ ကေအိုင်အို ခွဲထွက်အဖွဲ့ တဖွဲ့ဖြစ်ပြီး ၁၉၉၁ ခုနှစ်က န၀တအစိုးရနဲ့ ငြိမ်းချမ်းရေးယူကာ ၂၀၀၉ မှာ ဌာနေပြည်သူ့စစ်အသွင် ပြောင်းခဲ့တာ ဖြစ်ပါတယ်။
