တရားမဝင် နွားမှောင်ခိုကားများ ဖမ်းမိ
DVB
·
October 27, 2016
မကွေးတိုင်းဒေသကြီး ချောက်မြို့တွင် တရားမဝင် နွားတွေ တင်ဆောင်လာတဲ့ ၆ဘီးယာဉ် ၂ စီးကို အောက်တိုဘာ ၂၆ ရက်နေ့ ည ၁၀ နာရီအချိန်က ဖမ်းဆီးခဲ့ပါတယ်။
ချောက်မြို့ အနော်ရထာတံတားမှ နွားကား ၂ စီး ဖြတ်မယ့် သတင်းအရ နွားတွေတရားမဝင် သယ်ဆောင်လာတဲ့ ကား ၂ စီးကို အမှတ်(၄) လွတ်လပ်ရေးရပ်ကွက်မှာ တွေ့ရှိပြီး ချောက်မြို့မရဲစခန်းမှ တာဝန်ရှိသူတွေ စစ်ဆေးမှုပြုလုပ်ခဲ့ပါတယ်။
ယာဉ်မောင်း စိုးလင်းအောင် မောင်းနှင်ပြီး မလှလှဆင့် လိုက်ပါလာတဲ့ ၆ ဘီးကားပေါ်မှာ နွားကောင်ရေ ၁၄ ကောင်နဲ့ နေထက်လင်း မောင်းနှင်ပြီး ကျော်ထွန်းနိုင် လိုက်ပါလာတဲ့ ၆ ဘီးကားပေါ်မှာ နွားကောင်ရေ ၁၂ ကောင်တို့ကို စစ်ဆေးတွေ့ရှိခဲ့ပါတယ်။
နွားတွေကို တနေရာမှတနေရာ နယ်မြေကျော် သယ်ယူပို့ဆောင်ရာမှာ သတ်မှတ် စည်းကမ်းချက်တွေကို ပါဝင်ပြသနိုင်တာ မရှိတဲ့အတွက် နွားတွေ တရားမဝင် သယ်ဆောင်လာတဲ့ ယာဉ်မောင်း စိုးလင်းအောင်၊ နေထက်လင်းနဲ့ နွားထိန်း ကျော်ထွန်းနိုင်၊ ရောင်းဝယ်သူ မလှလှဆင့် တို့ကို (ပ)၈၉၇/၂၀၁၆၊ အရေးကြီးကုန်စည်နှင့် ဝန်ဆောင်မှု၊ ဝန်ဆောင်မှုဥပဒေ ပုဒ်မ ၅ နဲ့ ချောက်မြို့နယ် ရဲစခန်းက အရေးယူဆောင်ရွက်နေတယ်လို့ သိရပါတယ်။
သတင်း - ကိုလင်း(ချောက်)
