အင်းဝအပ်ချုပ်ဆိုင်အိမ်အကူနှိပ်စက်မှုတွင် တိမ်းရှောင်နေသည့်အမျိုးသမီး လာရောက်အဖမ်းခံ
DVB
·
September 29, 2016
ကျောက်တံတားမြို့နယ် အင်းဝအပ်ချုပ်ဆိုင်က အိမ်အကူမိန်းကလေးငယ် ၂ ဦးကို ညှဉ်းပန်းနှိပ်စက်ပြီး လုပ်ခလစာတွေ မပေးခဲ့တာကြောင့် အရေးယူထားတဲ့ အမှုတွေကနေ တိမ်းရှောင်နေတဲ့ အမျိုးသမီးတဦး ရဲစခန်းမှာ လာရောက်အဖမ်းခံခဲ့ပါတယ်။
တိမ်းရှောင်နေတဲ့ အင်းဝအပ်ချုပ်ဆိုင် မိသားစုဝင်တဦးဖြစ်တဲ့ မသီရိလတ်ဟာ စက်တင်ဘာ ၂၈ ရက် ည ၉ နာရီလောက်က ကျောက်တံတားမြို့မရဲစခန်းကို လာရောက်အဖမ်းခံခဲ့တယ်လို့ ရန်ကုန်တိုင်းရဲတပ်ဖွဲ့က သတင်းထုတ်ပြန်ခဲ့တာပါ။
အိမ်အကူ မိန်းကလေး ၂ ဦး နှိပ်စက်ညှဉ်းပန်းမှုနဲ့ အင်းဝအပ်ချုပ်ဆိုင်က ဒေါ်တင်သူဇာ၊ ဦးကိုလတ်၊ မစုမွန်လတ်၊ ကိုတင်မင်းလတ်၊ ကိုရာဇာထွန်း၊ မသီရိလတ်တို့ကို ကျောက်တံတားမြို့မ ရဲစခန်းမှာ လူကုန်ကူးမှု တားဆီးကာကွယ်ရေး ဥပဒေပုဒ်မ ၂၉/၂၄/၃၂၊ ရာဇသတ်ကြီးပုဒ်မ - ၃၂၆/၃၂၅/၃၄၄/၁၁၄ နှင့် ရဲအရေးမပိုင်မှု အမှတ်စဉ် (၄၀/၂၀၁၆)၊ ကလေးသူငယ် ဥပဒေပုဒ်မ - ၆၆(ဃ) တို့နဲ့ အရေးယူ ဆောင်ရွက်နေတာဖြစ်ပါတယ်။
၁၇ နှစ်အရွယ်နဲ့ ၁၆ နှစ်အရွယ် မိန်းကလေး ၂ ဦးကို အင်းဝအပ်ချုပ်ဆိုင်မှာ လွန်ခဲ့တဲ့ ၅ နှစ်လောက်က အိမ်အကူအဖြစ် စေခိုင်းခဲ့တာဖြစ်ပြီး အဲဒီ့ကာလတွေမှာ ၁၇ နှစ်အရွယ် မိန်းကလေးရဲ့ လက်ဆစ်တွေကို ချိုးတာတွေ၊ လက်၊ လည်ပင်းနဲ့ မျက်နှာတွေကို ဓားနဲ့မွှန်းတာ၊ ကတ်ကြေးနဲ့ထိုးတာတွေ၊ အသက် ၁၆ နှစ်အရွယ် မိန်းကလေးရဲ့ နှာခေါင်းကို လှီးဖြတ်တာတွေ ပြုလုပ်ခဲ့လို့ အမှုဖွင့် အရေးယူထားတာ ဖြစ်ပါတယ်။
