အင်္ဂလန်အမျိုးသမီးအသင်း နောက်ကျဂိုးဖြင့် ဗိုလ်လုပွဲတက်
DVB
·
July 23, 2025
ဒီနေ့မနက်အစောပိုင်းက ကစားခဲ့တဲ့ ယူရို ၂၀၂၅ အမျိုးသမီးဘောလုံးပြိုင်ပွဲ အကြိုဗိုလ်လုပွဲမှာ အင်္ဂလန်အသင်းက အီတလီအသင်းကို ၂ ဂိုး ၁ ဂိုးနဲ့ အနိုင်ရပြီး ဗိုလ်လုပွဲကို တက်သွားပါတယ်။
ပွဲချိန် ၃၃ မိနစ်မှာ အီတလီအသင်းက ဦးဆောင်ဂိုးသွင်းပြီး တပွဲလုံးဦးဆောင်ခဲ့ပေမဲ့ ဒုတိယပိုင်း ပွဲချိန်စေ့ခါနီး နာကျင်အချိန်ပို ၉၆ မိနစ်မှာမှ အင်္ဂလန် တိုက်စစ်မှူး မီရှဲလ်က ချေပဂိုးသွင်းခဲ့တာပါ။
အဲဒီနောက် အချိန်ပိုဆက်ကစားခဲ့ပြီး အချိန်ပိုဒုတိယပိုင်းပြီးခါနီး ၁၁၉ မိနစ် အရောက်မှာတော့ အင်္ဂလန်အသင်း ကစားသမား ကယ်လီက အနိုင်ဂိုးသွင်းပြီး ဗိုလ်လုပွဲကို တက်သွားခဲ့တာဖြစ်ပါတယ်။
အင်္ဂလန်အသင်းဟာ မနက်ဖြန်ကစားမယ့် စပိန်နဲ့ ဂျာမနီအသင်းက အနိုင်ရတဲ့အသင်းနဲ့ ဇူလိုင် ၂၇ ရက်နေ့ ဗိုလ်လုပွဲကစားရမှာ ဖြစ်ပါတယ်။
Photo: UEFA
