အာဆင်နယ်နဲ့ ချန်ပီယံလိဂ်ကွာတားဖိုင်နယ်ပွဲစဉ်မှာ ရီးရဲလ်မက်ဒရစ်ကစားသမား ၄ ယောက်အထိ ပွဲပယ်ခံရနိုင်တဲ့ အခြေအနေနဲ့ ရင်ဆိုင်နေရပါတယ်။
ရီးရဲလ်အသင်းဟာ အက်သလက်တီကို မက်ဒရစ်ကို အနိုင်ယူကျော်ဖြတ်ခဲ့တဲ့ ရှုံးထွက်ပွဲစဉ်မှာ တိုက်စစ်မှူး အမ်ဘာပေနဲ့ ဗင်နီဆီးယက်တို့ အပါအဝင် နောက်ခံလူရူဒီဂါနဲ့ ကွင်းလယ်လူ ဆီဘယ်ယော့တို့ ၄ ယောက်ဟာ အက်သလက်တီကို ပရိသတ်တွေကို မသင့်တော်တဲ့ အပြုအမူတွေလုပ်ဆောင်ခဲ့ကြတာပါ။
ပင်နယ်တီအဆုံးအဖြတ်နဲ့ အနိုင်ရအပြီး အောင်ပွဲခံရာမှာ နောက်ခံလူရူဒီဂါက လည်ပင်းကို ခွဲပြတဲ့ အမူအယာလုပ်ပြခဲ့သလို တိုက်စစ်မှူး အမ်ဘာပေဟာလည်း ပြိုင်ဘက်ပရိသတ်တွေကို လည်ပင်းကို ညှစ်ပြတဲ့အမူအယာလုပ်ဆောင်ခဲ့ကြတာပါ။
ယူအီးအက်ဖ်ကတော့ ရီးရဲလ်ကစားသမား ၄ ယောက်ရဲ့ မသင့်တော်တဲ့အပြုအမူတွေအတွက် ကျင့်ဝတ်နဲ့ စည်းကမ်းထိန်းသိမ်းရေး အရာရှိခန့်အပ်ပြီး စစ်ဆေးနေကြောင်း တရားဝင် ထုတ်ပြန်ပါတယ်။
ပြစ်မူထင်ရှားမယ်ဆိုရင် အာဆင်နယ်နဲ့ပွဲစဉ်မှာ အဲဒီကစားသမား ၄ ယောက်စလုံး ပွဲပယ် ပြစ်ဒဏ်ချတ်မှတ်ခံရနိုင်မယ့် အရေးနဲ့ ရင်ဆိုင်နေရတာ ဖြစ်ပါတယ်။
Photo: Reuters
