နွေရာသီအပြောင်းအရွှေ့ကာလကို ၂ ကြိမ်ဖွင့်လှစ်မည်ဟု ပရီးမီးယားလိဂ် ထုတ်ပြန်
DVB
·
March 28, 2025
လာမယ့်ရာသီအတွက် နွေရာသီအပြောင်းအရွှေ့ကာလကို ၂ ကြိမ်အထိ တိုးမြှင့်ဖွင့်လှစ်မှာဖြစ်ကြောင်း ပရီးမီးယားလိဂ်က တရားဝင်သတင်းထုတ်ပြန်သွားပါတယ်။
ဖီဖာကလပ်ကမ္ဘာ့ဖလား ယှဉ်ပြိုင်ကစားရမယ့် မန်စီးတီးနဲ့ ချဲလ်ဆီးအသင်းတွေအတွက် ရည်ရွယ်ပြီး အပြောင်းအရွှေ့ကာလ တကြိမ် ထပ်တိုးခဲ့တာပါ။
ပထမဆုံးအပြောင်းအရွှေ့ကာလအဖြစ် လာမယ့် ဇွန် ၁ ရက်ကနေ ၁၀ ရက်အထိ သတ်မှတ်ထားပြီး ဒုတိယမြောက် အပြောင်းအရွှေ့ကာလကိုတော့ ပုံမှန်အတိုင်း ဇွန် ၁၆ ရက် ကနေ စက်တင်ဘာ ၁ ရက် အထိ ဖွင့်လှစ်မှာပါ။
ဖီဖာကလပ် ကမ္ဘာ့ဖလားကို လာမယ့် ဇွန် ၁၅ ရက်ကနေ ဇူလိုင် ၁၄ ရက်အထိ ကျင်းပသွားမှာဖြစ်ပြီး အင်္ဂလန်ကိုယ်စားပြု ၂ သင်းအနေနဲ့ ပြိုင်ပွဲမတိုင်ခင် ကစားသမားသစ် တွေခေါ်ယူနိုင်ဖို့ အပြောင်းအရွှေ့ကာလ ထပ်တိုးခဲ့တာ ဖြစ်ပါတယ်။
Photo: Reuters
