Google Maps မှာ မက္ကဆီကို ပင်လယ်ကွေ့ အမည်ကို အမေရိက ပင်လယ်ကွေ့လို့ Google ရဲ့ မိခင်ကုမ္ပဏီ Alphabet က ဆိုရှယ်မီဒီယာ X မှာ ဇန်နဝါရီ ၂၇ ရက်က ပို့စ်တင်ပြီး ဖော်ပြပါတယ်။

ဒီလို နာမည်ပြောင်းတာက အမေရိကန်နိုင်ငံက အသုံးပြုသူတွေအတွက် အမေရိကန်ပင်လယ်ကွေ့လို့ မြင်ရမှာဖြစ်ပြီး မက္ကဆီကိုနိုင်ငံက အသုံးပြုသူတွေအတွက် မက္ကဆီကို ပင်လယ်ကွေ့လို့ မြင်ရမှာပါ။

ဒီ ၂ နိုင်ငံရဲ့ ပြင်ပ တခြားနိုင်ငံတွေကတော့ နာမည် ၂ မျိုးစလုံးကို မြင်တွေ့နိုင်တယ်လို့ Google ပြောရေးဆိုခွင့်ရှိသူက ဆိုရှယ်မီဒီယာ X မှာ ဖော်ပြပါတယ်။

ထရမ့်ပ်ရဲ့ အုပ်ချုပ်ရေးအဖွဲ့ အတွင်းလူတွေက မက္ကဆီကို ပင်လယ်ကွေ့ ဆိုတဲ့ နာမည်ကို ဇန်နဝါရီ ၂၄ ရက်ကတည်းက ပြောင်းလဲခဲ့တယ်လို့ ပြောပါတယ်။

ပြီးတော့ မြောက်အမေရိကမှာ အရှည်ဆုံးတောင်ဖြစ်တဲ့ အေလာစကန်ဒီနာလီ နာမည်ကို မက်ကင်လေးလို့ ပြောင်းလဲခဲ့တယ်လို့လည်း အတွင်းလူတွေက ပြောပါတယ်။

ဒေါ်နယ်ထရမ့်ပ်ဟာ ဇန်နဝါရီ ၂၀ ရက်မှာ သမ္မတတာဝန်ယူပြီးနောက် ထုတ်ပြန်ခဲ့တဲ့ အမိန့်တွေထဲမှာ မက္ကဆီကို ပင်လယ်ကွေ့ နာမည်ပြောင်းလဲခြင်းပါ ပါဝင်ခဲ့တာဖြစ်ပါတယ်။

ထရမ့်ပ်ဟာ မဲဆွယ်ကာလမှာ ကတိပြုထားတာတွေကို စကားတည်တဲ့ အနေနဲ့ သမ္မတအဖြစ် ကျမ်းကျိန်ပြီးတာနဲ့ အမိန့်တွေ ဆက်တိုက်ထုတ်ခဲ့တာ ဖြစ်ပါတယ်။

Source : Reuters