ကမ္ဘာ့အကောင်းဆုံးအသင်း တသင်းဆီပြောင်းရွှေ့ခွင့်ရလို့ ဂုဏ်ယူကြောင်း မန်စီးတီးကစားသမား သစ် အိုမာမာမွတ်ရှ်က ပြောသွားပါတယ်။
မန်စီးတီးအသင်းဟာ အီဂျစ်လက်ရွေးစင်ကစားသမား အတွက် ပေါင် ၆၃ သန်းနဲ့ ဖရန့်ဖတ်အသင်းကနေ ခေါ်ယူခဲ့တာဖြစ်ပြီး ၄ နှစ်ခွဲစာချုပ် ချုပ်ဆိုခဲ့တာပါ။
မန်စီးတီးအသင်းနဲ့ လက်မှတ်ရေးထိုးခဲ့တဲ့နေ့ကို ဘယ်တော့မှာ မေ့ပျောက်သွားမှာမဟုတ်ကြောင်း၊ ကမ္ဘာ့အကောင်းဆုံးအသင်းတသင်းဆီ ပြောင်းရွှေ့လာရလို့ ဂုဏ်ယူဝမ်းမြောက်ကြောင်း စာချုပ် ချုပ်ဆိုအပြီးမှာ မာမွတ်ရှ်က ပြောပါတယ်။
ကစားသမားတယောက်ကို ပိုကောင်းအောင် လေ့ကျင့်ပေးနိုင်တဲ့ နည်းပြဂွါဒီယိုလာနဲ့ နည်းပြအဖွဲ့ အပါအဝင် ကမ္ဘာ့အဆင့် လေ့ကျင့်ရေးထောက်ကူပစ္စည်းတွေရှိတာက မန်စီးတီးဆီပြောင်းရွှေ့ဖို့ ဆွဲဆောင်စေခဲ့ကြောင်း မာမွတ်ရှ်က ပြောပါတယ်။
မန်စီးတီးဟာ ဘရာဇီး လူငယ်နောက်ခံလူ ဗစ်တာရိစ်နဲ့ လန်းစ်အသင်းက ဥဇဘတ်ကစ္စတန်နောက်ခံလူ ခူဆာ နော့ဗ်တိုကိုလည်း ခေါ်ယူနိုင်ခဲ့ပြီး အပြောင်းအရွှေ့ အသုံးစာရိတ် ပေါင် ၁၂၅ သန်းအထိရှိသွားပြီ ဖြစ်ပါတယ်။
Photo: Reuters
